¿Ndáaña sákuaʼayó xíʼin ña̱ ke̱ʼé ta̱ Samuel?

Nda̱kúní ni̱xi̱yo ini ta̱ Samuel xíʼin Jehová ndiʼi tiempo ña̱ xi̱takura. Ta tá ni̱xi̱yo loʼora va̱ása níkeʼéra táʼan ña̱ kini ña̱ ke̱ʼé ta Hofní ta saátu ta̱ Finehás, na̱ se̱ʼe ta̱ Elí (1Sa 2:22-26). Ndiʼi tiempo xi̱chindeétáʼan Jehová xíʼin ta̱ Samuel (1Sa 3:19). Ta tá ku̱chéera, nda̱kundeéra ka̱ndíxara Jehová, ni na̱ se̱ʼera va̱ása níkeʼéna táʼan ña̱ ke̱ʼéra (1Sa 8:1-5).

¿Ndáaña sákuaʼayó xíʼin ña̱ ke̱ʼé ta̱ Samuel? Ndóʼó na̱ va̱lí kivi kandíxandó ña̱ kúnda̱a̱va-ini Jehová xa̱ʼa̱ ndiʼi tu̱ndóʼo ña̱ yáʼandó nu̱ú, ta saátu xíʼin ña̱ ndóʼondó. Ta̱yóʼo chindeétáʼan xíʼinndó ña̱ ndakú koo inindó (Is 41:10, 13). Ndóʼó na̱ íyo se̱ʼe, tá ku̱xíká se̱ʼendó nu̱ú Jehová, va̱ása ndakava-inindó. Chi saátu ndo̱ʼo ta̱ Samuel, ta̱yóʼo va̱ása ní ixandúxara xíʼin se̱ʼera ña̱ kundiku̱nna ña̱ káʼa̱n Jehová. Ta̱ Samuel xi̱sandákoora ndiʼi ña̱ xi̱sandíʼi̱-inira ndaʼa̱ Jehová, nda̱kundeéra nda̱kú ni̱xi̱yo inira xíʼinra ta xi̱sakúsi̱íra-inira. Tá ná chinúundó yichi̱ va̱ʼa nu̱ú se̱ʼendó, sana ña̱yóʼo chindeétáʼanña xíʼinna ña̱ ndikóna nu̱ú Jehová.

TÁNDI̱ʼI XI̱TONDÓ VIDEO ÑA̱ NANÍ ¿NDÁAÑA SÁKUAʼAYÓ XÍʼIN ÑA̱ NDO̱ʼO NA̱YÓʼO? TA̱ SAMUEL, NDAKUIINNDÓ PREGUNTA YÓʼO:

• 

  Tá ni̱xi̱yo loʼo ta̱ Samuel, ¿ndáa ki̱ʼva ni̱na̱ʼa̱ra ña̱ ndakúní-inira?

• 

  ¿Ndáa ki̱ʼva ni̱na̱ʼa̱ ta̱ Danny ña̱ ndakúní-inira?

• 

  ¿Ndáaña va̱ʼaní ke̱ʼé ta̱ Samuel tá xa̱a̱ ku̱chéera?

• 

  ¿Ndáaña va̱ʼaní ke̱ʼé na̱ yivá ta̱ Danny?