Ta̱ David ku̱a̱ʼa̱nra kanitáʼanra xíʼin ta̱ Goliat.
ÑA̱ KÁʼA̱N BIBLIA XA̱ʼA̱
Jehová kúú ta̱ kánitáʼan xa̱ʼa̱yó
Ta̱ David xi̱ndaaní-inira Jehová saáchi xa̱a̱ chi̱ndeétáʼanra xíʼinra tá ya̱chi̱ (1Sa 17:36, 37; w19.12 20 párr. 18).
Ta̱ David va̱ása níchitáʼanra ta̱ Goliat xíʼin miíra, chi xíʼin Jehová chi̱táʼanrara (1Sa 17:45-47; w19.07 4, 5 párr. 11, 12).
Jehová chi̱ndeétáʼanra xíʼin ta̱ David ña̱ ku̱chiñura ka̱nitáʼanra xíʼin iin ta̱a ta̱ ndakúní (1Sa 17:48-50; wp16.5-S 12 párr. 4; koto na̱ʼná ña̱ va̱xi chí sa̱tá tutu yóʼo).
Sava yichi̱ yáʼayó nu̱ú tu̱ndóʼo ña̱ yo̱ʼvi̱ní, tá kúú tá íxandi̱va̱ʼana xíʼinyó á tá íxayo̱ʼvi̱ña xíʼinyó sandákooyó iin ña̱ va̱ása va̱ʼa kéʼéyó. Tá túviún ña̱ ndeéní tu̱ndóʼo yáʼún nu̱ú, ndakaʼán ña̱ íyoníva ndee̱ Jehová ña̱ chindeétáʼanra xíʼún (Job 42:1, 2).