¿Á táxiún ña̱ kúúmiíún ndaʼa̱ Jehová?

Ta̱ David xi̱niñúʼu keʼéra iin altar nu̱ú ñuʼú ta̱ Arauna (2Sa 24:18).

Va̱ʼaní ni̱xi̱yo ini ta̱ Arauna saáchi xi̱kuni̱ra taxira ñuʼúra ta saátu kití sa̱na̱ra ndaʼa̱ ta̱ David ña̱ va̱ʼa kaʼnírarí ña̱ koorí sacrificio nu̱ú Jehová (2Sa 24:21-23).

Ta̱ David va̱ása níxikuni̱ra taxira iin sacrificio ña̱ va̱ása níchaʼvira xa̱ʼa̱ (2Sa 24:24, 25; it-1-S 174).

Na̱ʼná ña̱ náʼa̱ ndáa ki̱ʼva keʼéyó ku̱a̱ʼá chiñu nu̱ú Jehová. 1. Ku̱a̱ʼá na̱ hermano káchíñuna nu̱ú kúva̱ʼa veʼe ña̱ ndasakáʼnuyó Jehová. 2. Iin ñá hermana ñá xa̱a̱ chée chíka̱a̱ñá xu̱ʼún ini caja. 3. Iin ta̱ hermano xíʼin ñá síʼira xíniñúʼuna iin tú carrito loʼo ña̱ va̱ʼa natúʼunna xa̱ʼa̱ Ndióxi̱. 4. Ku̱a̱ʼá na̱ hermano chíndeétáʼanna nu̱ú ku̱u iin tu̱ndóʼo.

Tá kúsi̱íní-iniyó xíniñúʼuyó tiempoyó, ndee̱yó xíʼin xu̱ʼúnyó ña̱ va̱ʼa kachíñuyó nu̱ú Jehová, kusi̱íní-inira xíʼinyó (w12-S 15/1 18 párr. 8). ¿Ndáaña kivi keʼún ña̱ va̱ʼa kachíñukaún nu̱ú Jehová? (Heb 13:15).