ÑA̱ KÉʼÉYÓ NA̱ TESTIGO
Jehová chíndeétáʼanra xíʼinyó ña̱ ndakú koo iniyó tá yáʼayó nu̱ú tu̱ndóʼo
Tiempo so̱ndíʼi kúú ña̱ ndóoyó vitin, ña̱kán ndiʼiyó yáʼayó nu̱ú prueba ña̱ yo̱ʼvi̱ní, ta sava yichi̱ túviyó ña̱ va̱ása kundeékayó xíʼinña. Soo tá ndákundeéyó káʼa̱nyó xíʼin Jehová ña̱ ná kuniʼira yichi̱ nu̱úyó, kuchiñuvayó ndakú koo iniyó ya̱ʼayó nu̱ú tu̱ndóʼo ña̱ yo̱ʼvi̱ní (Is 43:2, 4). Tá yáʼún nu̱ú iin tu̱ndóʼo ña̱ ndeéní, ¿ndáaña chindeétáʼan xíʼún ña̱ kuyatinkaún nu̱ú Jehová?
Ña̱ ka̱ʼún xíʼinra. Tá káʼa̱nyó xíʼin Jehová xa̱ʼa̱ ndiʼi ña̱ ndóʼoyó, ta̱yóʼo taxira ña̱ táxi̱n koo iniyó ta saátu taxira ndee̱ ndaʼa̱yó ña̱ kundeé-iniyó ya̱ʼayó nu̱ú tu̱ndóʼo (Flp 4:6, 7; 1Te 5:17).
Ña̱ ku̱ʼún reunión. Tiempo vitin xíniñúʼu sakúaʼaníyó xa̱ʼa̱ Ndióxi̱ ta saátu xíniñúʼu chika̱a̱níkayó ndee̱ xíʼin táʼanyó ti̱xin reunión (Heb 10:24, 25). Tá xáʼa̱nyó reunión, tá ya̱chi̱ka káʼviyó ña̱ koo reunión ta táxiyó comentario, saá kúú ña̱ chíndeétáʼan espíritu santo Ndióxi̱ xíʼinyó (Ap 2:29).
Ña̱ natúʼunyó xa̱ʼa̱ Ndióxi̱. Tá chíka̱a̱yó ndee̱ ña̱ kǒo sándakooyó ña̱ natúʼunyó xa̱ʼa̱ Ndióxi̱, ña̱yóʼo chindeétáʼanña xíʼinyó ña̱ va̱ása ndakaniníxi̱níyó xa̱ʼa̱ tu̱ndóʼo ña̱ yáʼayó nu̱ú. Tasaá kúú ña̱ va̱ʼaníka kutáʼanyó xíʼin Jehová ta saátu xíʼin na̱ hermanoyó, chi inkáchi kachíñuyó (1Co 3:5-10).
TÁNDI̱ʼI XI̱TONDÓ VIDEO ÑA̱ NANÍ JEHOVÁ NDAKIʼIN YÓʼÓ, NDAKUIINNDÓ PREGUNTA YÓʼO:
¿Ndáaña chi̱ndeétáʼan xíʼin ñá Malu ña̱ viíka kutáʼanñá xíʼin Jehová?
Nda̱a̱ táki̱ʼva ndo̱ʼo ñá Malu, ¿ndáa ki̱ʼva sándi̱ko ña̱ va̱xi nu̱ú Salmo 34:18 iniyó?
¿Ndáa ki̱ʼva náʼa̱ ña̱ ndo̱ʼo ñá Malu ña̱ saátu kivi chindeétáʼan Jehová xíʼinyó tá yáʼayó nu̱ú tu̱ndóʼo ña̱ yo̱ʼvi̱ní? (2Co 4:7).