Ni loʼo va̱ása va̱ʼa ña̱ nda̱kaxin ta̱ rey Salomón ke̱ʼéra

[Chika̱a̱ video Ña̱ káʼa̱n xa̱ʼa̱ 2 Crónicas].

Ta̱ Salomón ni̱xi̱yo ku̱a̱ʼání kuáyi̱ sa̱na̱ra ta saátu ni̱xi̱yo ku̱a̱ʼání carro tú xi̱ñuu tíyóʼo (De 17:​15, 16; 2Cr 1:​14, 17).

Xa̱ʼa̱ ña̱ va̱ása vií ní ndáka̱xin ta̱ rey Salomón ña̱ ke̱ʼéra xi̱kuma̱ní na̱ kundaa tí kuáyi̱ sa̱na̱ra xíʼin ñuu nu̱ú ­kundita carrora (2Cr 1:​14; it-1-S 435 párr. 2, 3; it-1-S 782 párr. 8).

Ku̱a̱ʼá ku̱i̱ya̱ ña̱ xi̱xaʼndachíñu ta̱ Salomón vií xi̱ndoo na̱ yiví, soo tándi̱ʼi sa̱xóʼvi̱rana. Ta tá ki̱xáʼa ta̱ Rehoboam se̱ʼe ta̱ Salomón xáʼndachíñura, ndeéníka sa̱xóʼvi̱ra na̱ ñuu (2Cr 10:​3, 4, 14, 16). Ndiʼi ña̱ ndáka̱xinyó keʼéyó, kivi kundoʼoyó iin ña̱ʼa xíʼinña (Gál 6:7).