ÑA̱ KÁʼA̱N BIBLIA XA̱ʼA̱

Ku̱a̱ʼání tu̱ndóʼo va̱xi nu̱úyó tá íxaso̱ʼoyó

Sava na̱ ñuu Israel ti̱ndaʼa̱na xíʼin ná ñaʼá ná ndásakáʼnu ndióxi̱ vatá (Esd 9:1, 2; w06-S 15/1 20 párr. 1).

Kǒo níxiniso̱ʼona chiñu ña̱ xa̱ʼnda Jehová nu̱úna (Esd 9:10-12).

Ku̱a̱ʼání tu̱ndóʼo ki̱xi nu̱úna ta saátu nu̱ú na̱ veʼena xa̱ʼa̱ ña̱ kǒo níxiniso̱ʼona (Esd 10:10, 11, 44).

Ñá hermana ñá ti̱ndaʼa̱ xíʼin iin ta̱ kǒo ndásakáʼnu Jehová, ndákaʼánñá ndáa ki̱ʼva ni̱xi̱yoñá tá ya̱chi̱ tá xi̱ndasakáʼnuñá Jehová. Nu̱ú mesa níndosó ya̱a̱ ña̱ cigarro. Chí síi̱nñá níndúʼu ña̱ loʼo ña̱ se̱ʼeñá, ta yiíñá ni̱xi̱nira núndúʼura kísi̱ra nu̱ú sofá.

Ndiʼi ña̱ káʼa̱n Jehová xíʼinyó, ña̱ va̱ʼa miíyó kúúña (w09-S 1/10 10 párr. 6). Tá ná kuniso̱ʼoyó ndiʼi ña̱ káʼa̱n Jehová xíʼinyó, va̱ása xo̱ʼvi̱níyó ta ku̱a̱ʼání ña̱ va̱ʼa ndakiʼinyó chí nu̱únínu.

NDAKANIXI̱NÍ XA̱ʼA̱ ÑA̱YÓʼO: “¿Ndáaña va̱ʼa ndákiʼi̱n xa̱ʼa̱ ña̱ xíniso̱ʼi̱ ña̱ káʼa̱n Jehová?”.