Ná kǒo keʼéyó táki̱ʼva ke̱ʼé ta̱ Elifaz tá sándi̱koyó-ini inkana

Ta̱ Elifaz ni̱ka̱ʼa̱nra xíʼin ta̱ Job ña̱ nda̱a̱ ni iin na̱ yiví kǒo kuchiñuna keʼéna ña̱ kúni̱ Jehová (Job 15:14-16; w05-S 15/9 26 párrs. 4, 5).

Xíʼin ña̱ ni̱ka̱ʼa̱n ta̱ Elifaz ni̱na̱ʼa̱ra ña̱ ndi̱va̱ʼaní-ini ta̱ Job xa̱ʼa̱ ña̱kán xóʼvi̱níra (Job 15:20).

Tu̱ʼun ña̱ ni̱ka̱ʼa̱n ta̱ Elifaz va̱ása nísandíkoña-ini ta̱ Job (Job 16:1, 2).

Su̱ví ña̱ nda̱a̱ví kúú ña̱ níka̱ʼa̱n ta̱ Elifaz xa̱ʼa̱ ta̱ Job. Saáchi Jehová kúsi̱íní-inira tá chíkaa̱yó ndee̱ ña̱ káchíñuyó nu̱úra (Sl 149:4). Nda̱a̱ na̱ yiví na̱ kéʼé ña̱ va̱ʼa kivi kixi tu̱ndóʼo nu̱úna (Sl 34:19).

ÑA̱ NDAKANIXI̱NÍYÓ XA̱ʼA̱: ¿Ndáaña kivi keʼéyó ña̱ va̱ʼa sandíkoyó-ini na̱ ndákava-ini? (1Te 5:14; w15-S 15/2 9 párr. 16).