Experiencia

Ña̱ va̱ʼa ndákiʼinyó tá kúndáʼvi-iniyó xíniyó ndiʼi na̱ yiví

Iin ki̱vi̱, iin ñá hermana ñá íyo ñuu Nueva Zelanda xi̱toñá video ña̱ naní Ná kundáʼvi-iniyó kuniyó inkana, nu̱ú video yóʼo ni̱ka̱ʼa̱nna ña̱ va̱ása kúndaʼvi kuití ini Jehová xínira na̱ yiví chi saátu náʼa̱ra ña̱yóʼo (Is. 63:​7-9). Ña̱kán nda̱kanixi̱níñá ña̱ kivi chindeétáʼanñá xíʼin iin na̱ yiví. Mií ki̱vi̱ saá ke̱eñá ña̱ ku̱a̱ʼa̱nñá satáñá sava ña̱ʼa, tasaá xi̱niñá iin ñaʼá ñá íyo chí calle ta ni̱ndaka̱tu̱ʼúnñá ñá ñaʼá kán á kivi satáñá ña̱ kuxuñá, ta ñá ñaʼá kán ni̱ka̱ʼa̱nñá ña̱ kiviva. Tá xa̱a̱ ndi̱kó ñá hermana yóʼo ña̱ ni̱xa̱ʼa̱nñá sa̱táñá comida ki̱xáʼañá nátúʼunñá xíʼin ñá ñaʼá kán xa̱ʼa̱ tu̱ʼun Ndióxi̱ ta xi̱niñúʼuñá tratado ña̱ naní ¿Á kixa̱a̱ iin kivi ña̱ kǒo ndoʼokayó?

Ñá ñaʼá kán ki̱xáʼañá xákuñá. Ni̱ka̱ʼa̱nñá na̱ tá loʼovíñá sa̱kúaʼañá xa̱ʼa̱ Ndióxi̱, ta xa̱a̱ ku̱a̱ʼání ku̱i̱ya̱ ku̱xíkañá nu̱ú na̱ congregación. Soo xa̱a̱ ni̱ka̱ʼa̱nníñá xíʼin Jehová ña̱ chindeétáʼanra xíʼinñá ña̱ ndikó tukuñá ñuura. Ñá hermana kán ta̱xiñá Biblia ndaʼa̱ñá ta ki̱ndooná ña̱ kaʼviná inka ki̱vi̱.a

Miíyó kivi keʼéyó nda̱a̱ táki̱ʼva kéʼé Jehová, ña̱ kundáʼvi-iniyó kuniyó na̱ yiví, tá kúú na̱ veʼeyó á na̱ hermano na̱ ñúʼu ti̱xin congregación. Inka ki̱ʼva ña̱ na̱ʼa̱yó ña̱ kúndáʼvi-iniyó xíniyó na̱ yiví kúú ña̱ ndukúyó ki̱ʼva ña̱ natúʼunyó xíʼinna xa̱ʼa̱ Ndióxi̱.