¿Ndáaña keʼéyó tá íxandi̱va̱ʼana xíʼinyó?

Kaʼvi Génesis 37:​23-28; 39:17–23 ña̱ va̱ʼa kunda̱a̱-iniún ndáaña va̱ása va̱ʼa ke̱ʼéna xíʼin ta̱ José.

Nandukú nu̱ú inka tutu ndáakaña káʼa̱nña xa̱ʼa̱ ña̱yóʼo. ¿Nda̱chun sa̱xóʼvi̱nína ta̱ José? (Gén. 37:​3-11; 39:​1, 6-10). ¿Nda̱saa tiempo xi̱niñúʼu kundeé-inira? (Gén. 37:2; 41:46). Ta ndiʼi tiempo ña̱ ni̱xo̱ʼvi̱ra, ¿ndáaña ke̱ʼé Jehová ña̱ chi̱ndeétáʼanra xíʼinra ta ndáaña kǒo níkeʼera? (Gén. 39:​2, 21; w23.01 17 párr. 13).

Nandukúka xa̱ʼa̱ña. Kǒo káʼa̱n Biblia á nda̱kiʼin ta̱ José tu̱ʼunra tá ni̱kaʼa̱n ñá síʼi ta̱ Potifar ña̱ vatá xa̱ʼa̱ra. Tá kǒo níndakiʼinra tu̱ʼunra, ¿nda̱chun kǒo níkeʼera ña̱yóʼo? (Kivitu nandukún ña̱ káʼa̱n Proverbios 20:2 ta saátu Hechos 21:37). Ta, ¿nda̱chun sava yichi̱ kǒo káʼa̱n Biblia xa̱ʼa̱ ña̱ ku̱u nu̱ú iin relato? (Kivitu nandukún ña̱ káʼa̱n Juan 21:25). ¿Ndáaña chi̱ndeétáʼan xíʼin ta̱ José ña̱ kundeé-inira tá i̱xandi̱va̱ʼana xíʼinra? (Miq. 7:7; Luc. 14:11; Sant. 1:​2, 3).

Ndakanixi̱ní xa̱ʼa̱ ña̱ sákuaʼún. Ndakanixi̱ní xa̱ʼa̱ ña̱yóʼo:

• “¿Ndáaña kivi kundoʼoyó xa̱ʼa̱ ña̱ kúúyó discípulo ta̱ Jesús?” (Luc. 21:​12, 16, 17; Heb. 10:​33, 34).

• “¿Ndáaña kivi chindeétáʼan xíʼi̱n ña̱ kundeé-inii̱ tá íxandi̱va̱ʼana xíʼi̱n?” (Sal. 62:​7, 8; 105:​17-19; w19.07 2-7).