Nandukú va̱ʼa xa̱ʼa̱ ña̱ káʼviún tasaá kunditoní nu̱ún

Kaʼvi Daniel 9:​1-19 ña̱ va̱ʼa kunda̱a̱-iniún nda̱chun ndáyáʼviní nandukún xa̱ʼa̱ ña̱ sákuaʼún.

Nandukú nu̱ú inka tutu ndáakaña káʼa̱nña xa̱ʼa̱ ña̱yóʼo. ¿Ndáaña ku̱u ta ndáaña ndo̱ʼo ta̱ Daniel? (Dan. 5:29–6:5). ¿Ndáa ki̱ʼva kuniún tá miíún níndoʼo táʼan ña̱ ndo̱ʼo ta̱ Daniel?

Nandukúka xa̱ʼa̱ña. ¿Ndáa tutu ña̱ “yi̱i̱” kúú ña̱ sana ka̱ʼvi ta̱ Daniel? (Dan. 9:​2, nota; w11-S 1/1 22 párr. 1). ¿Nda̱chun ni̱na̱ʼma̱ ta̱ Daniel ku̱a̱chira ta saátu ku̱a̱chi na̱ ñuu Israel? (Lev. 26:​39-42; 1 Rey. 8:​46-50; dp-S 182-184). ¿Ndáa ki̱ʼva náʼa̱ oración ña̱ ke̱ʼé ta̱ Daniel ña̱ va̱ʼaní xi̱kaʼvira tu̱ʼun Ndióxi̱? (Dan. 9:​11-13).

Ndakanixi̱ní ndáaña sa̱kúaʼún ta ndáa ki̱ʼva keʼúnña. Ndakanixi̱ní xa̱ʼa̱ ña̱yóʼo:

• “¿Ndáaña kivi keʼíi̱ tasaá kǒo taxii̱ ña̱ kasi nda̱a̱ ni iin ña̱ʼa ña̱ kúu ñuyǐví yóʼo nu̱úi̱?” (Miq. 7:7).

• “¿Ndáaña va̱ʼa ndakiʼi̱n tá ná nandukúvaʼi̱ xa̱ʼa̱ ña̱ káʼvii̱ nu̱ú tu̱ʼun Ndióxi̱ nda̱a̱ táki̱ʼva xi̱keʼé ta̱ Daniel?” (w04-S 1/8 12 párr. 17).

• “Tá kúnii̱ kunditoní nu̱úi̱, ¿ndáa tema xíniñúʼu kaʼvii̱?” (Mat. 24:​42, 44; w12-S 15/8 5 párrs. 7, 8).