Ná kuniñúʼu viíyó na̱ʼná

Tutu ña̱ tává na̱ ñuu Ndióxi̱ kúúmiíña na̱ʼná ña̱ kivi chindeétáʼan xíʼinyó ña̱ kunda̱a̱-iniyó ndáaña kúú ña̱ ndáyáʼvika. ¿Ndáaña kivi keʼéyó ña̱ viíní kuniñúʼuyó na̱ʼná?

• Tá kúma̱níka kaʼviún iin artículo siʼnaka kotoún na̱ʼná. Sana ña̱yóʼo kivi chindeétáʼanña xíʼún ña̱ kuni̱kaún kaʼviún artículo yóʼo. Tá xítoún comida ña̱ ya̱sinní sana kúni̱ún kuxúnña. Ta ki̱ʼva saá kivi kundoʼún ña̱ kuni̱ún kaʼviún iin artículo tá siʼnaka na̱ʼná ná kotoún, ndakanixi̱ní xa̱ʼa̱ ña̱yóʼo: ¿Ndáaña xítoi̱? (Amós 7:​7, 8).

• Nani káʼviún iin artículo, ndakanixi̱ní xa̱ʼa̱ na̱ʼná ña̱ va̱xi nu̱úña. Tá va̱xi ña̱ káʼa̱n xa̱ʼa̱ na̱ʼná yóʼo kaʼvi ña̱ káʼa̱n xa̱ʼa̱ña. Chikaa̱ ndee̱ ña̱ kotoún ndáa ki̱ʼva kítáʼan na̱ʼná ña̱ xítoún xíʼin tema ña̱ va̱xi nu̱ú artículo ta ndáaña sakúaʼún xíʼinña.

• Tá ná ndiʼi kaʼviún artículo, koto tuku na̱ʼná ña̱ va̱xi nu̱úña ña̱ va̱ʼa ndakaʼún xa̱ʼa̱ ña̱ ndáyáʼviníka. Tándi̱ʼi ndakasiún nu̱ún ta chikaa̱ ndee̱ ña̱ ndakaʼún xa̱ʼa̱ na̱ʼná xíʼin ndiʼi ña̱ sa̱kúaʼún nu̱úña.

• Kivi keʼún ña̱yóʼo xíʼin na̱ʼná ña̱ va̱xi nu̱ú revista yóʼo ta chikaún ndee̱ ña̱ ndakaʼún xa̱ʼa̱ña.