¿Á kúú Ndióxi̱ iin trinidad?

Ña̱ káʼa̱n Biblia xa̱ʼa̱ ña̱yóʼo

Ku̱a̱ʼání ña̱ veʼe-ñu̱ʼu vatá sánáʼa̱ña ña̱ kúú Ndióxi̱ iin trinidad. Soo koto ndáaña káʼa̱n iin enciclopedia xa̱ʼa̱ ña̱yóʼo: “Ni ña̱ tu̱ʼun Trinidad ni ña̱ káʼa̱n xa̱ʼa̱ ña̱yóʼo kǒoña va̱xi nu̱ú ña̱ Nuevo Testamento [...]. Soo tá ni̱ya̱ʼa tiempo ku̱a̱ʼáka na̱ yiví ki̱xáʼá kándíxa ña̱ trinidad, soo ku̱a̱ʼání na̱ yiví kǒo níkindo̱o-ini xíʼinña ta sa̱kǎkuña ku̱a̱chi” (The Encyclopædia Britannica).

Nda̱a̱ ni iin táʼví nu̱ú ña̱ Biblia kǒo káʼa̱nña ña̱ kúú Ndióxi̱ iin trinidad. Koto ndáaña káʼa̱n texto yóʼo:

“Jehová Ndióxi̱yó iinlá Jehová kúúra” (Deuteronomio 6:4).

“Ki̱vi̱ yóʼó kúú Jehová, iinlá yóʼó kúú ta̱ káʼnu iníísaá ñuyǐví” (Salmo 83:18).

“Ña̱ va̱ʼa kutakuna ndiʼi tiempo xíniñúʼu kuxini̱ va̱ʼana iinlá yóʼó ta̱ kúú Ndióxi̱ ta̱ nda̱a̱, ta saátu xíniñúʼu kuxini̱ va̱ʼana ta̱ chi̱ndaʼún, ta̱ Jesucristo” (Juan 17:3).

“Nu̱ú miíyó iinláva kúú Ndióxi̱ íyo” (1 Corintios 8:6).

Tá saá, ¿nda̱chun kúú ña̱ ku̱a̱ʼání na̱ veʼe-ñu̱ʼu vatá sánáʼa̱na ña̱ kúú Ndióxi̱ iin trinidad?