Nota

c Sava na̱ xíni̱va̱ʼa káʼa̱nna ña̱ sana na̱ ta̱a kán ke̱ʼéna iin voto ña̱ koona nazareo (Núm. 6:1-21). Ley ta̱ Moisés kúú ña̱ xi̱kaʼa̱n xa̱ʼa̱ voto yóʼo, soo xa̱a̱ ni̱ndo̱ova ña̱yóʼo, ña̱kán iin ña̱ va̱ʼa xi̱kuuña nu̱ú ta̱ Pablo ña̱ ná saxínu na̱ ta̱a yóʼo ña̱ ki̱ndoona nu̱ú Jehová. Xa̱ʼa̱ ña̱kán ka̱ndíxavara chaʼvira gasto ña̱ ná kuumiína ta ku̱ʼu̱nra xíʼinna chí templo. Va̱ása kúnda̱a̱-iniyó ndáaña ki̱ndoo na̱ ta̱a yóʼo keʼéna, soo tá ña̱ xi̱kuni̱na kúú ña̱ so̱kóna iin kití ña̱ va̱ʼa ndoo ku̱a̱china nda̱a̱ táki̱ʼva xi̱keʼé ku̱a̱ʼání na̱ nazareo, va̱ása kandíxaví ta̱ Pablo keʼéra ña̱yóʼo, saáchi xa̱ʼa̱ ña̱ xa̱a̱ ni̱xi̱ʼi̱ ta̱ Cristo va̱ása xíniñúʼu so̱kóvína kití xa̱ʼa̱ ku̱a̱china. Kǒo xíni̱yó xa̱ʼa̱ iin tá iin ña̱ ke̱ʼé ta̱ Pablo, soo kúnda̱a̱va-iniyó ña̱ va̱ása keʼévíra iin ña̱ʼa ña̱ va̱ása va̱ʼa.