Nota

d Lucas 10:30-37: “Tasaá nda̱kuiin ta̱ Jesús yuʼúna ta ka̱chira: ‘Iin ta̱a ki̱tara ñuu Jerusalén ta ku̱a̱ʼa̱nra chí Jericó, ta kán ke̱e na̱ kui̱ʼná nu̱úra, ta ki̱ʼinna xu̱ʼúnra ta ka̱ninara, ta tu̱kue̱ʼe̱ ndiʼira i̱xaana. Ta vitin, iin ta̱ su̱tu̱ va̱xi chí yichi̱ kán, soo, tá xi̱nira ta̱yóʼo, ni̱ya̱ʼa xiyora. Saátu ni̱ya̱ʼa iin ta̱ levita, tá ni̱ya̱ʼara xi̱nira kánduʼú ta̱yóʼo, ni̱ya̱ʼa xiyora. Soo iin ta̱ samaritano ta̱ xíka ku̱a̱ʼa̱n yichi̱ yóʼo, ni̱xa̱a̱ra nda̱a̱ nu̱ú kánduʼúra, tá xi̱nira ta̱yóʼo ku̱ndáʼviní-inira xi̱nirara. Tasaá ku̱yatinra nu̱úra ta su̱kúndáara ti̱ko̱to̱ nu̱ú tu̱kue̱ʼe̱ra, ta chi̱ka̱a̱ra aceite xíʼin vino nu̱ú tu̱kue̱ʼe̱ra. Tasaá chi̱núurara sa̱tá kití sa̱na̱ra ta ku̱a̱ʼa̱nra xíʼinra iin veʼe ta kán xi̱ndaarara. Tá inka ki̱vi̱ ta̱vára u̱vi̱ xu̱ʼúnra ña̱ denario, ta ta̱xiraña ndaʼa̱ ta̱ káchíñu kán, ta ka̱chira: “Kundaara, ta ndiʼi xu̱ʼún ña̱ kuniñúʼún xíʼinra, ndataxii̱nña ndaʼún tá ná ndikói̱ʼ. Ti̱xin u̱ni̱ saá ta̱ ni̱ya̱ʼa yóʼo, ¿yukú na̱ ni̱na̱ʼa̱ ña̱ ni̱ku̱ʼvi̱ka-ini xi̱ni ta̱ ta̱a yóʼo?”. Ta̱kán ni̱ka̱ʼa̱nra: “Ta̱ chi̱ndeétáʼan xíʼinra”. Tasaá ni̱ka̱ʼa̱n ta̱ Jesús xíʼinra: ‘Kúaʼan ta saá keʼúnʼ”.