Nota

b 1 Samuel 3:4-6, 8-10: “Tasaá Jehová ka̱nara ta̱ Samuel. Ta ta̱yóʼo nda̱kuiinra: ‘Yóʼo íyoi̱ʼ. Ta xi̱nura ku̱a̱ʼa̱nra nu̱ú íyo ta̱ Elí ta ni̱ka̱ʼa̱nra: “Yóʼo íyoi̱ chi ka̱naún yi̱ʼi̱”. Soo ta̱ Elí ni̱ka̱ʼa̱nra: ‘Va̱ása níkanai̱ yóʼó, kúaʼan tuku ku̱su̱nʼ. Tasaá ta̱yóʼo ndi̱kó tukura ku̱a̱ʼa̱nra ku̱su̱nra. Soo Jehová tuku ka̱nara: “Samuel”. Tasaá nda̱koora ta ku̱a̱ʼa̱nra nu̱ú íyo ta̱ Elí ta ni̱ka̱ʼa̱nra: ‘Yóʼo íyoi̱ chi ka̱navaún yi̱ʼi̱ʼ. Soo ta̱ Elí ni̱ka̱ʼa̱nra: “Va̱ása níkanai̱ yóʼó se̱ʼe miíi̱. Kúaʼan tuku ku̱su̱n”. Tasaá tuku ni̱ka̱ʼa̱n Jehová ña̱ yichi̱ u̱ni̱: ‘Samuelʼ. Tasaá nda̱koora ta ku̱a̱ʼa̱nra nu̱ú íyo ta̱ Elí ta ni̱ka̱ʼa̱nra xíʼinra: “Yóʼo íyoi̱ chi ka̱navaún yi̱ʼi̱ vitin”. Tasaá ta̱ Elí ki̱xaʼá kúnda̱a̱-inira ña̱ Jehová kúú ta̱ káʼa̱n xíʼin ta̱ loʼo yóʼo. Tasaá ni̱ka̱ʼa̱n ta̱ Elí xíʼin ta̱ Samuel: “Kúaʼan tuku ku̱su̱n, ta tá ná kana tukuna yóʼó, ña̱yóʼo ndakuiún: ‘Ka̱ʼa̱n Jehová chi xíniso̱ʼovai̱ʼ”. Tasaá ndi̱kó tuku ta̱ Samuel nda̱kandúʼura nu̱ú kísi̱ra. Tasaá ki̱xa̱a̱ tuku Jehová ka̱nara ta̱yóʼo: “Samuel, Samuel”. Tasaá nda̱kuiin ta̱ Samuel: ‘Ka̱ʼa̱n chi xíniso̱ʼovai̱ʼ”.