Nota

d Éxodo 14:23, 26-28: “Ta na̱ ñuu Egipto ki̱xaʼá ndíku̱nna satána, ta ndiʼi kuáyi̱ ta̱ faraón xíʼin carrora tú xíka nu̱ú ku̱a̱chi, xíʼin ndiʼika na̱ ku̱a̱ʼa̱n nu̱ú ku̱a̱chi xíʼinra, ni̱ki̱ʼvina ma̱ʼñú tá mar sa̱tá na̱yóʼo. Tasaá ni̱ka̱ʼa̱n Jehová xíʼin ta̱ Moisés: ‘Ndaniʼi ndaʼún nu̱ú tá mar, tasaá ko̱yo ndiʼi ti̱kui̱í sa̱tá na̱ ñuu Egipto, xíʼin carrona tú ku̱a̱ʼa̱n nu̱ú ku̱a̱chi, xíʼin na̱ soldado na̱ yósó kuáyi̱ʼ. Ta ndi̱ku̱n saá nda̱niʼi ta̱ Moisés ndaʼa̱ra nu̱ú tá mar, tá xa̱a̱ ku̱a̱ʼa̱n túvi ndi̱kó ndiʼirá nu̱ú xi̱ñuʼurá, soo na̱ ñuu Egipto ki̱xaʼána xínuna ña̱ ná kǒo ko̱yo ti̱kui̱í satána, soo Jehová kǒo nítaxira kununa ta ki̱ndo̱ona ma̱ʼñú tá mar. Ta ni̱ko̱yo ndiʼi ti̱kui̱í yóʼo satána, saá ki̱ndo̱o ndiʼi carrona tú xíka nu̱ú ku̱a̱chi ini ti̱kui̱í yóʼo, xíʼin na̱ soldado na̱ yósó kuáyi̱ na̱ kítáʼan xíʼin ta̱ faraón, ta ni loʼo va̱ása nítaxira ña̱ ka̱ku ni iin na̱yóʼo. Soo na̱ ñuu Israel, na̱yóʼo ni̱ya̱ʼana ini tá mar nu̱ú ñuʼú yichi̱, ta tá mar yóʼo tá ni̱xi̱yo iin nama̱ saá ni̱xi̱yora xi̱ndaarana. Saá sa̱káku Jehová na̱ ñuu Israel kivi kán nu̱ú na̱ ñuu Egipto, ta chí yuʼú tá mar xi̱nina na̱ ñuu Egipto, soo xa̱a̱ ni̱xi̱ʼi̱vana”.