Nota

f Josué 1:7-9: “Va̱ása yi̱ʼvíún, ta ndakú koo iniún, ta viíní kandíxaún ndiʼi ley ña̱ ta̱xi ta̱ Moisés ta̱ káchíñu nu̱úi̱ ndaʼún. Va̱ása sandákoúnña, va̱ása ku̱ʼún ni chí ndaʼa̱ kúaʼa ni chí ndaʼa̱ yítin, ña̱ va̱ʼa vií ná koo ña̱ kéʼún ni nda̱a̱ ndáaka nu̱ú ná ku̱ʼún. ⁸ Tutu ña̱ ley yóʼo kǒo sandákoún kaʼviúnña, ñuú xíʼin káʼñu kaʼviúnña ta ndakanixi̱níún xa̱ʼa̱ña, ña̱ va̱ʼa viíní kandíxaún ndiʼi ña̱ ni̱ka̱ʼyi̱ nu̱úña; saáchi saá kúú ña̱ va̱ʼaní kana ndiʼi ña̱ keʼún ta xíʼin ña̱ ndíchi keʼúnña. ⁹ ¿Á su̱ví yi̱ʼi̱ kúú ta̱ níka̱ʼa̱n xíʼún ña̱ ndakú koo iniún ta va̱ása yi̱ʼvíún? Va̱ása yi̱ʼvíún, saáchi Jehová Ndióxi̱ miíún íyora xíʼún nda̱a̱ ndáaka nu̱ú ná ku̱ʼún”.