Nota

b Efesios 6:13-17: “Xa̱ʼa̱ ña̱kán, kuniñúʼundó ndiʼi ña̱ táxi Ndióxi̱ ndaʼa̱ndó ña̱ va̱ʼa kanitáʼanndó, tasaá tá ná kixaa̱ tiempo yo̱ʼvi̱ kuchiñuvandó ya̱ʼandó nu̱úña, ta xa̱ʼa̱ ña̱ ke̱ʼéndó ndiʼi ña̱ xi̱niñúʼu keʼéndó, kuchiñuvandó ndakú koo inindó. ¹⁴ Xa̱ʼa̱ ña̱yóʼo ña̱ va̱ʼa kútu̱ní kuitandó, katúnndó tokóndó xíʼin ña̱ nda̱a̱ ña̱ íyo nda̱a̱ táki̱ʼva íyo iin cinturón, ta saátu kuniñúʼundó ña̱ nda̱kú ña̱ íyo nda̱a̱ táki̱ʼva íyo iin ña̱ ndákasi kándíkana, ¹⁵ ta ndataánndó ndu̱xa̱n xa̱ʼa̱ndó ta koo tu̱ʼvandó ña̱ natúʼunndó xa̱ʼa̱ tu̱ʼun va̱ʼa xíʼin na̱ yiví ña̱ va̱ʼa xa̱a̱na kutáʼanna xíʼin Ndióxi̱. ¹⁶ Ta saátu kandíxaníndó Ndióxi̱, chi ña̱ kandíxayóra nda̱a̱ táki̱ʼva íyo iin escudo káʼnuní saá íyoña, ta xíʼin ña̱yóʼo kuchiñundó ndaʼvandó ndiʼi ña̱ chíndaʼá ta̱ Ndi̱va̱ʼa va̱xi nu̱úndó ña̱ íyo nda̱a̱ táki̱ʼva íyo flecha tú xíxi̱. ¹⁷ Ta saátu, kandíxandó ña̱ sakǎku Ndióxi̱ ndóʼó chi ña̱yóʼo nda̱a̱ táki̱ʼva íyo iin casco saá íyoña, ta saátu kuniñúʼundó espada ña̱ táxi espíritu santo, ta ña̱ espada yóʼo kúú tu̱ʼun Ndióxi̱”.