Nota

b Daniel 4:10-17: “Ña̱yóʼo kúú ña̱ ni̱xa̱níi̱ tá kánduʼíi̱ kísii̱, xi̱nii̱ iin yitu̱n tú níndichi ma̱ʼñú ñuʼú ta súkunnínú. ¹¹ Ta xa̱ʼnu yitu̱n yóʼo ta ndakúní ni̱xa̱a̱nú ku̱unú, ta nda̱a̱ chí ndiví ni̱xa̱a̱ nu̱únú. Ta iníísaá nu̱ú ñuʼú túvi níndichinú. ¹² Liviní yu̱ku̱ ndaʼa̱nú, ku̱a̱ʼání ku̱i̱ʼi íyo ndaʼa̱nú ta ndiʼi na̱ yiví ta saátu kití kivi kaxí ña̱ íyo ndaʼa̱nú. Ta tí kití yukú ku̱a̱ʼa̱nrí kundoorí ku̱nda̱tí xa̱ʼa̱nú ta ndiʼi kití tí ndáchí kivi koorí ndaʼa̱nú. Ta ndiʼi na̱ yiví ta saátu kití xi̱xaxí ña̱ íyo ndaʼa̱nú. ¹³ Tá kánduʼíi̱ kísii̱, ni̱xa̱níi̱ ña̱ xi̱nii̱ iin ta̱ ndáa, iin ta̱ yi̱i̱, ta ta̱yóʼo va̱xinuura chí ndiví. ¹⁴ Ta ndeéní ni̱ka̱ʼa̱nra: ‘Kaʼndandó tú yitu̱n yóʼo, kaʼndandó ndaʼa̱nú ta saátu yu̱ku̱ ndaʼa̱nú ta katandó ku̱i̱ʼi ña̱ íyo ndaʼa̱nú. Ta kití tí íyo xa̱ʼa̱nú xíʼin saa tí íyo ndaʼa̱nú ná kunurí ku̱ʼu̱nrí. ¹⁵ Soo sandákoondó xa̱ʼa̱nú xíʼin ti̱oʼonú nu̱ú ñuʼú, ta katúnndó xa̱ʼa̱nú xíʼin ka̱a ña̱ hierro xíʼin cobre, ta ná kindo̱onú ma̱ʼñú ku̱ʼu̱. Ta ná ndaxinnú á chiinú xíʼin yúyú ña̱ kóoyo chí ndiví, ta ná koonú xíʼin kití ma̱ʼñú ku̱ʼu̱ ña̱ íyo nu̱ú ñuʼú. ¹⁶ Ná nasa̱ma níma̱nú: nu̱úka ña̱ kuumiínú iin níma̱ na̱ yiví, ná kuumiínú iin níma̱ kití, nda̱a̱ ná ya̱ʼa u̱xa̱ tiempo. ¹⁷ Ña̱yóʼo kúú ña̱ káʼa̱n na̱ ndáa, ña̱yóʼo kúú ña̱ káʼa̱n na̱ yi̱i̱, ña̱ va̱ʼa ndiʼina ná kunda̱a̱-ini ña̱ ta̱ káʼnuní kúú ta̱ xáʼndachíñu nu̱ú ndiʼi na̱ yiví, ta kivi taxira ña̱ kaʼndachíñu nda̱a̱ ndáaka na̱ kúni̱ miíra, ta nda̱a̱ táxira ña̱ kaʼndachíñu na̱ yiví na̱ vitáníka-ini’”.