Nota

a Tu̱ʼun ña̱ xi̱niñúʼuna tá ni̱ka̱ʼyi̱ Biblia ña̱ sándaya̱ʼana “sáka̱ku” ña̱yóʼo kivi kunda̱a̱-iniyó xíʼinña ña̱ cháʼviña xa̱ʼa̱ iin ña̱ʼa á ña̱ táxina xa̱ʼa̱ iin ña̱ʼa ña̱ ndáyáʼvi. Tá kúú tu̱ʼun hebreo kafár kúni̱ káchiña ña̱ “kasina” (Génesis 6:​14). Ta ña̱yóʼo xíniñúʼukanaña ña̱ ka̱ʼa̱nna ña̱ kasina iin ku̱a̱chi na̱ yiví (Salmo 65:3). Ki̱vi̱ ña̱ kítáʼan xíʼin ña̱yóʼo ña̱ tu̱ʼun kófer káʼa̱nkaña xa̱ʼa̱ ña̱ kéʼéna ña̱ va̱ʼa saxínuna ña̱yóʼo, á ña̱ sándikóna iin ña̱ʼa á ña̱ sáka̱kuna iin ña̱ʼa (Éxodo 21:30). Ta saátu tu̱ʼun griego lýtron, ña̱ sándaya̱ʼana ña̱ “sáka̱kuna” ta saátu kivi sándaya̱ʼanaña ña̱ “ndáchaʼvina ña̱ va̱ʼa ndikó iin ña̱ʼa” (Mateo 20:28). Na̱ ka̱ʼyi̱ tu̱ʼun griego xi̱niñúʼuna tu̱ʼun yóʼo ña̱ va̱ʼa ka̱ʼa̱nna xa̱ʼa̱ ña̱ cháʼvina ña̱ va̱ʼa sa̱ñá iin na̱ ndíka̱a̱ veʼeka̱a á ña̱ sa̱ñá iin na̱ esclavo.