Isaías
34 Ndiʼi ndóʼó na̱ ñuu kuyatinndó ña̱ va̱ʼa kuniso̱ʼondó,
viíní kuniso̱ʼo ndóʼó na̱ ñuu válí.
Ná kuniso̱ʼo ñuʼú yóʼo ta saátu ña̱ íyo nu̱úña,
ná kuniso̱ʼo ñuʼú xíʼin ndiʼika ña̱ kána nu̱úña.
2 Saáchi Jehová sáa̱níra xíʼin ndiʼi ñuu
ta saátu sáa̱níra xíʼin ndiʼi na̱ soldadona.
Ta̱yóʼo sandíʼi-xa̱ʼa̱rana;
ta kaʼnírana.
4 Ndiʼi ña̱ʼa ña̱ íyo chí ndiví ta̱ʼyi̱ña,
ta ndativína* ndiví nda̱a̱ táki̱ʼva ndátivína iin tutu.
Ndiʼi ña̱ íyo chí ndiví yi̱chi̱ña,
nda̱a̱ táki̱ʼva yíchi̱ yu̱ku̱ ndaʼa̱ tú uva ta ndákavaña
ta saátu nda̱a̱ táki̱ʼva yíchi̱ tí higo ta ndákavarí.
5 “Saáchi chí ndiví kuchu ni̱i̱ espadai̱.
Ndakavaña sa̱tá ñuu Edom ña̱ va̱ʼa ndatii̱n ku̱a̱chi xíʼinña,
sa̱tá ñuu ña̱ sa̱ndíʼi-xa̱ʼíi̱.
6 Jehová kúúmiíra iin espada ta kuchu ni̱i̱ña.
Kuchu xa̱ʼan* sa̱táña,
kuchu ni̱i̱ ndikachi* che̱e tí yúta̱* xíʼin ti̱xúʼú* sa̱táña,
ta saátu xa̱ʼan ña̱ íyo sa̱tá nduchu̱ ini ndikachi che̱e.
Saáchi xa̱a̱ íyo tu̱ʼva ña̱ so̱kó Jehová chí Bozrá,
kaʼníra ku̱a̱ʼání na̱ ndóo chí Edom.
7 Tí si̱ndi̱ki̱ yukú nduvarí xíʼinna
tí si̱ndi̱ki̱ yúta̱ nduvarí xíʼin na̱ ndakú.
Ndaxi ñuʼúna xíʼin ni̱i̱
ta ndasaka̱ xa̱ʼan xíʼin yáká* ña̱ íyo ñuʼúna”.
8 Saáchi xa̱a̱ nda̱kaxin Jehová iin ki̱vi̱ ña̱ ndatiinra ku̱a̱chi xíʼinna,
iin ku̱i̱ya̱ ña̱ taxira castigo ndaʼa̱ na̱ ke̱ʼé ña̱ va̱ása va̱ʼa xíʼin Sion.
yáká ña̱ íyo nu̱ú ñuʼúna nduuña azufre,
ta ñuʼúna nduuña nda̱a̱ táki̱ʼva íyo brea ña̱ xíxi̱.
10 Va̱ása nda̱ʼva̱ña ni ñuú ni káʼñu;*
ta ndiʼi tiempo kana yi̱ʼma̱ nu̱úña.
Ni ná ya̱ʼa ku̱a̱ʼání tiempo, ndiʼi-xa̱ʼa̱ va̱ʼaña;
nda̱a̱ ni iin ki̱vi̱ va̱ása ya̱ʼana nu̱úña.
11 Tí pelícano xíʼin tí puercoespín ndakundoo nu̱úña,
Xíʼin yoʼo̱ ta saátu xíʼin iin plomo kiʼin Ndióxi̱ ki̱ʼva xíʼin ñuu yóʼo
ña̱ va̱ʼa na̱ʼa̱ra ña̱ kǒo nda̱a̱ ni iin ña̱ʼa koo nu̱úña ta va̱ása kundayáʼviña.
12 Nda̱a̱ ni iin ta̱a ta̱ ndáyáʼvi va̱ása ndasanara rey,
ta ndiʼi-xa̱ʼa̱ ndiʼi na̱ kúúmií chiñu ña̱ ndáyáʼvi.
13 Kuaʼnu tú iñú ini veʼena ña̱ súkunní ña̱ kútu̱ní ndási,
tú iñú xíʼin ku̱ʼu̱ ña̱ va̱ása va̱ʼa, kanaña ini veʼena ña̱ kútu̱ní ku̱vaʼa.
14 Kití tí íyo nu̱ú ñuʼú yi̱chí ndakutáʼanrí xíʼin ti̱na tí íyo nu̱ú ñuʼú yi̱chí,
ta ti̱xúʼú yukú* ndakanatáʼanrí.
Kán kindo̱o saa tí xíka tá ñuú* ta kán ndakindee̱rí.
15 Kán keʼé ko̱o̱ tí kamaní chi̱ʼyo̱rí ta taánrí ndi̱vi̱rí,
kunúurí sa̱táña ta kundaaríña.
Kán ndakutáʼan tí milano, ndakutáʼan iin tá iinrí xíʼin táʼanrí.
16 Nandukúndó nu̱ú libro Jehová ta ndeé va̱ʼa kaʼvindóña:
va̱ása kuma̱ní nda̱a̱ ni iin tíyóʼo;
koo tí kutáʼan xíʼin iin tá iin tíyóʼo,
saáchi mií Jehová kúú ta̱ xa̱ʼnda chiñu yóʼo
ta ndee̱ Ndióxi̱ kúú ña̱ sa̱ndátaka tíyóʼo.
17 Saáchi ta̱yóʼo kúú ta̱ nda̱kaxin ndáaña ndakiʼin tíyóʼo,
ta xíʼin ndaʼa̱ra tavára ki̱ʼva nu̱ú kundoorí.
Kuentarí kooña ndiʼi tiempo;
ni nda̱saaka tiempo ná ya̱ʼa, kán kundoorí.