¿Á chíka̱a̱ loʼún ndée xíʼin ña̱ sánáʼa̱ Jehová yóʼó?

1. ¿Ndáaña íxaa Jehová xíʼin na̱ ndásakáʼnu-ñaʼá?

¹ Jehová ndíʼi̱ní-inira xa̱ʼa na̱ ndásakáʼnu-ñaʼá ña̱ sakuaʼa va̱ʼana (Is. 30:20). Tiempo vitin iníísaá ñuyǐví sánáʼa̱rana. Nda̱a̱ táki̱ʼva ni̱ka̱ʼa̱n ta̱ Isaías millón na̱ yiví na̱ ndóo iníísaá ñuyǐví ku̱a̱ʼa̱nna veʼe Jehová (Is. 2:2) ¿Nda̱chun ku̱a̱ʼa̱nna veʼera? Ña̱ va̱ʼa sánáʼa̱ra miína (Is. 2:3)

2. ¿Nda̱saa chíndeé ña̱ sánáʼa̱ Jehová yóʼó?

² Va̱ʼaní sánáʼa̱rana. Ndiʼi ña̱ sánáʼa̱ Jehová va̱ʼaní chíndeéña miíyó. Vitin kúnda̱a̱-iniyó ña̱ íyo ki̱vi̱ra ta ndíʼi̱-inira xa̱ʼayó (Sal. 83:18; 1 Ped. 5:6, 7). Ta káʼa̱nra xíʼinyó xa̱ʼa ña̱ kúni̱yó kunda̱a̱-iniyó xa̱ʼa: ¿Nda̱chun kúú ña̱ ndóʼoyó ta xíʼi̱yó? ¿Ndáaña keʼéyó ña̱ va̱ʼa si̱í kooyó? ¿Ndáa xa̱ʼa kúú ña̱ ka̱kuyó ñuyǐví yóʼo? Su̱ví ña̱yóʼo kuití káʼa̱nra xíʼinyó chi sánáʼa̱tura miíyó ndáa yichi̱ kúú ña̱ kakayó ña̱ va̱ʼa kana ndiʼi ña̱ kéʼéyó (Jos. 1:8).

3. ¿Nda̱chun sánáʼa̱na na̱ kǒo xíni̱ kaʼvi ta ndáa ña̱ va̱ʼa ndákiʼinna xa̱ʼa ña̱yóʼo?

³ Jehová sánáʼa̱tura na̱ kǒo xíni̱ kaʼvi letra ta ni kǒo xíni̱na taana. Ti̱xin congregación sánáʼa̱na na̱yóʼo ta xa̱ku̱a̱ʼání na̱ publicador xíʼin na̱ kǒo kúú publicador xa̱sakuaʼa kaʼvi. Tá íyo na̱ va̱ása xíni̱ kaʼvi, na̱ anciano kivi natúʼun táʼanna xa̱ʼa na̱yóʼo ña̱ va̱ʼa ná sakuaʼana. Kéʼéna ña̱yóʼo ña̱ va̱ʼa ndiʼina ná sakuaʼana kaʼvina letra ta taanaña tasaá va̱ʼa kaʼvina Biblia ta va̱ʼa sanáʼa̱na inkana xa̱ʼa ña̱yóʼo (km-S 10/11 pág. 4; be-S pág. 21-23). Tá ná chika̱a̱yó ndée ña̱ sakuaʼayó ndiʼi ña̱ sánáʼa̱ Jehová miíyó va̱ʼa koo si̱íyó tiempo vitin ta saátu chí nu̱únínu (Sal. 119:105; Juan 17:3)