BIBLIOTECA NU̱Ú INTERNET Watchtower
Watchtower
BIBLIOTECA NU̱Ú INTERNET
tu’un sâví
ǒ
  • ʼ
  • a̱
  • e̱
  • i̱
  • ǐ
  • o̱
  • ǒ
  • u̱
  • BIBLIA
  • NDIʼI TUTU
  • REUNIÓN
  • fg lección 13 pregunta 1-4
  • ¿Ndáa ña̱ va̱ʼa ndakiʼin na̱ kándíxa Ndióxi̱?

Kǒo video ndíka̱a̱ yóʼo.

Káʼnu koo iniún, kǒo kívi kana ña̱ video.

  • ¿Ndáa ña̱ va̱ʼa ndakiʼin na̱ kándíxa Ndióxi̱?
  • Ndióxi̱ káʼa̱nra tu̱ʼun va̱ʼa xíʼinyó
  • Inka ña̱ káʼa̱n xa̱ʼa̱ña
  • Na̱ veʼe-ñu̱ʼu íxayaku̱a̱na ki̱vi̱ Ndióxi̱
    Kivi koo si̱íún vitin ta saátu chí nu̱únínu Koto ndáaña sánáʼa̱ Biblia
  • ¿Ndáa ki̱ʼva kúni̱ Ndióxi̱ ndasakáʼnuyóra?
    ¿Ndáaña kúú míí ña̱ ndixa sánáʼa̱ Biblia?
  • Xíniñúʼu kundasínu̱úyó veñu̱ʼu ña̱ vatá
    Kuvi kutáʼan va̱ʼayó xíʼin Ndióxi̱
  • ¿Ndáaña keʼún ña̱ va̱ʼa xa̱a̱ún kunda̱a̱-iniún ndáa ki̱ʼva kúni̱ Ndióxi̱ ndasakáʼnúnra?
    Ndióxi̱ káʼa̱nra tu̱ʼun va̱ʼa xíʼinyó
Ndióxi̱ káʼa̱nra tu̱ʼun va̱ʼa xíʼinyó
fg lección 13 pregunta 1-4

LECCIÓN 13

¿Ndáa ña̱ va̱ʼa ndakiʼin na̱ kándíxa Ndióxi̱?

1. ¿Á ña̱ va̱ʼa kúú ndiʼi veʼe-ñu̱ʼu?

Káʼvira Biblia

Ndiʼi veʼe-ñu̱ʼu ñúʼu na̱ yiví na̱ ndinuʼu-ini kúni̱ kachíñu nu̱ú Ndióxi̱. Ta ndáʼyávina nu̱ú Ndióxi̱ ta ndíʼi̱ní-inira xa̱ʼana. Soo, ña̱ suchí-iniyó kúú ña̱ xítoyó chi ku̱a̱ʼá na̱ yiví na̱ kéʼé ña̱ kini íyo veʼe-ñu̱ʼu nu̱ú ndíku̱nna (2 Corintios 4:3, 4; 11:13-15). Nu̱ú tele xítoyó xíʼin ini radio xíniso̱ʼoyó ña̱ káʼa̱nna xa̱ʼa sava na̱ veʼe-ñu̱ʼu xíkana ku̱a̱chi ta xáʼnína, ndiʼi ña̱ kini kéʼéna ta íxandiva̱ʼana xíʼin na̱ válí ta savana kíxi̱na xíʼinna. Ta na̱ ndinuʼu-ini kúni̱ ndasakáʼnu Ndióxi̱ ndákava-inina tá xínina ña̱yóʼo. Kaʼvi Mateo 24:3-5, 11, 12.

Ta na̱ ndixa kándíxa Ndióxi̱ kéʼéna ña̱ káʼa̱nra ta na̱ veʼe-ñu̱ʼu ña̱ vatá íxakinina ki̱vi̱ra. Chi na̱ veʼe-ñu̱ʼu yóʼo kǒo sá­náʼa̱na ña̱ va̱xi nu̱ú Biblia nina ña̱ vatá sánáʼa̱na xa̱ʼa Ndióxi̱, ta kǒo sánáʼa̱na ña̱ nda̱a̱ xa̱ʼa na̱ ni̱xi̱ʼi̱. Soo Jehová kúni̱ra na̱ yiví ná kunda̱a̱-inina ña̱ nda̱a̱. Kaʼvi Ezequiel 18:4 xíʼin 1 Timoteo 2:3-5.

2. ¿Ndáaña káʼa̱n ña̱ Biblia ña̱ ndoʼo na̱ veʼe-ñu̱ʼu vatá chí nu̱únínu?

Ndióxi̱ kǒo kútóora ña̱ kéʼé na̱ yiví na̱ káʼa̱n ndásakáʼnu­ñaʼá ta xíʼin ña̱ kéʼéna náʼa̱nna ña̱ ndíku̱nna ta̱ Ndiva̱ʼa (Santiago 4:4). Ña̱ Biblia káʼa̱nña xíʼinyó ndiʼi veʼe-ñu̱ʼu ña̱ vatá naníña “Babilonia ña̱ Káʼnu” chi saá xi̱naní ñuu ña̱ ni̱xi̱yo xi̱naʼá nu̱ú ki̱xaʼá ndiʼi veʼe-ñu̱ʼu vatá tándi̱ʼi ko̱on sa̱vi̱ kini ña̱ tíempo ta̱ Noé. Xa̱kuyatin sandiʼi-xa̱ʼa Ndióxi̱ ndiʼi ña̱ veʼe-ñu̱ʼu vatá chi va̱ása sánáʼa̱ña ña̱ nda̱a̱ xa̱ʼara ta ku̱a̱ʼání tu̱­ndóʼo íxaaña xíʼin na̱ yiví. Kaʼvi Revelación (Apocalipsis) 17:1, 2, 5, 16, 17 xíʼin 18:8.

Jehová xíni̱vara ndáana kúú na̱ yiví va̱ʼa na̱ ñúʼu veʼe-ñu̱ʼu vatá ta vitin ndákayara na̱yóʼo. ¿Ndáaña kéʼéra ña̱ va̱ʼa ndákayarana? Sánáʼa̱rana ña̱ nda̱a̱. Kaʼvi Miqueas 4:2, 5.

3. ¿Ndáaña xíniñúʼu keʼé na̱ yiví na̱ ndixa kúni̱ sakuaʼa xa̱ʼa Jehová?

Nátúʼunna tándi̱ʼi nda̱takana

Na̱ ndixa ndásakáʼnu Jehová va̱ʼaní ndóona xíʼin táʼanna

Ndíʼi̱ní-ini Jehová xa̱ʼa na̱ yiví na̱ kúni̱ xíniñaʼá ta kúni̱na keʼéna ña̱ va̱ʼa. Ña̱kán káʼa̱nra xíʼinna ná keena ti̱xin veʼe-ñu̱ʼu vatá nu̱ú ñúʼuna. Tá ndixa kúni̱nara, va̱ʼava nasamana chiñu kéʼéna ta keʼéna chiñu ña̱ sákusi̱ína-inira. Kaʼvi Revelación 18:4.

Ta tíempo ki̱xi Jesús ku̱a̱ʼání na̱ yiví na̱ ndinuʼu-ini xi̱kúni̱ sakuaʼa xa̱ʼa Ndióxi̱, tá na̱túʼun na̱ apóstol ta̱ Jesús xíʼinna na̱kusi̱í-inina. Jehová sa̱náʼa̱rana ña̱ vi̱í koona nu̱ú Ñuʼú yóʼo. Saátu miíyó kivi sakuaʼayó xa̱ʼa Ndióxi̱ ta siʼnaka chiñu Ndióxi̱ keʼéyó nu̱ú ndiʼika ña̱ʼa. Kaʼvi 1 Tesalonicenses 1:8, 9 xíʼin 2:13.

Tá iinna ndákoo veʼe-ñu̱ʼu vatá ta kíxaʼána ndásakáʼnuna Jehová kusi̱íní-inira. Chi ndiʼi na̱ ndákoo veʼe-ñu̱ʼu vatá si̱í íyo-inina chi va̱ʼaní ndákutáʼanna xíʼin Ndióxi̱ ta saátu xíʼin na̱ káʼvi tu̱ʼunra ta kúnda̱a̱-inina ña̱ káʼa̱nra ña̱ kivi koona ndiʼi tíempo. ¿Á kǒo kútóún ndakiʼún ndiʼi ña̱ káʼa̱n Ndióxi̱ taxira ndaʼa̱yó? Kaʼvi Marcos 10:29, 30 xíʼin 2 Corintios 6:17, 18.

4. ¿Ndáaña keʼé Ndióxi̱ ña̱kán va̱ása kooka ku̱a̱chi ta si̱íní kooyó nu̱ú Ñuʼú yóʼo?

Tá ná sandiʼi-xa̱ʼa Jehová ndiʼi veʼe-ñu̱ʼu vatá saá kúú ña̱ va̱ʼaní kundooyó. Chi kǒoka na̱ sándáʼvi na̱ yiví ni kǒoka na̱ ta̱ʼví miíyó. Ndiʼi na̱ yiví iinlaa Jehová ndasakáʼnuna. ¿Á su̱ví tu̱ʼun va̱ʼa kúú ña̱yóʼo? Kaʼvi Revelación 18:20, 21 xíʼin 21:3, 4.

Tá kúni̱kaún kunda̱a̱-iniún xa̱ʼa ña̱yóʼo, kaʼvi capítulo 15 xíʼin 16 a̱ libro ña̱ naní ¿Qué enseña realmente la Biblia?

    Publicación ña̱ va̱xi tu̱ʼun sâví (1993-2025)
    Kita
    Yóʼo ki̱ʼviún
    • tu’un sâví
    • Chindaʼáña ndaʼa̱ inkana
    • Nda̱saa kúni̱únña
    • Copyright © 2025 Watch Tower Bible and Tract Society of Pennsylvania
    • Ña̱ xíniñúʼuna
    • Política ña̱ privacidad
    • Configuración ña̱ privacidad
    • JW.ORG
    • Yóʼo ki̱ʼviún
    Chindaʼáña ndaʼa̱ inkana