Ná taxiyó invitación ndaʼa̱ na̱ ndóo xíʼinyó ña̱ va̱ʼa ná ku̱ʼu̱nna Conmemoración

Ña̱ ku̱i̱ya̱ vitin ña̱ campaña kixaʼáña 27 tí febrero, ta chika̱a̱yó ndée ña̱ taxiyó invitación ndaʼa̱ ku̱a̱ʼá na̱ yiví na̱ ndóo ñuu nu̱ú ndóoyó ña̱ ná ku̱ʼu̱nna xíʼinyó ña̱ ndakaʼányó xa̱ʼa ña̱ ni̱xi̱ʼi̱ ta̱ Jesús. Ná kiʼin va̱ʼayó kuenta ndáana kúni̱ ku̱ʼu̱n xíʼinyó ña̱ va̱ʼa chindeé táʼanyó xíʼinna.

NDÁA KI̱ʼVA KEʼÉYÓÑA

KA̱ʼA̱N ÑA̱ VA̱XI YÓʼO

“Kánandi̱ yóʼó ña̱ ku̱ʼún xíʼinndi̱ iin reunión ña̱ ndáyáʼviní. Millón na̱ yiví ndakutáʼanna ña̱ 23 tí marzo ña̱ iníísaá ñuyǐví ña̱ ndakaʼánna xa̱ʼa ña̱ ni̱xi̱ʼi̱ ta̱ Jesús. Koo iin discurso ña̱ ka̱ʼa̱n xa̱ʼa nda̱saa chíndeé táʼan ña̱ ni̱xi̱ʼi̱ ta̱ Jesús xíʼinyó ta kǒo chaʼviún xa̱ʼa ña̱yóʼo. Nu̱ú tutu yóʼo va̱xi hora xíʼin lugar nu̱ú kooña. Kusi̱íní-inindi̱ ná ku̱ʼún xíʼinndi̱”.

Tá va̱ʼa xíniso̱ʼona:

• TAXI LA ATALAYA

  Kindo̱o xíʼinna ña̱ ndikóún nu̱úna.

• NA̱ʼA VIDEO ÑA̱ CONMEMORACIÓN

  Kindo̱o xíʼinna ña̱ ndikóún nu̱úna.

Tá ná ku̱ʼún inka yichi̱ nu̱úna:

• NA̱ʼA VIDEO ¿NDACHUN KAʼVIYÓ BIBLIA?

  Tándi̱ʼi taxi iin tutu ndaʼa̱na ña̱ xíniñúʼuyó tá káʼviyó xíʼin na̱ yiví.

• TAXI ÑA̱ LIBRO ¿QUÉ ENSEÑA REALMENTE LA BIBLIA?

  Kuniñúʼu ña̱ va̱xi nu̱ú libro yóʼo ña̱ página 206 nda̱a̱ 208 ña̱ ka̱ʼún xíʼinna xa̱ʼa Conmemoración. Tándi̱ʼi taxiña ndaʼa̱na.

• TAXI ÑA̱ FOLLETO KUNISO̱ʼO ÑA̱ KÁʼA̱N NDIÓXI̱

  Kuniñúʼu ña̱ va̱xi nu̱ú página 18 xíʼin 19 ña̱ natúʼún xíʼinna ndáa xa̱ʼa kúú ña̱ ni̱xi̱ʼi̱ ta̱ Jesús. Tándi̱ʼi taxiña ndaʼa̱na.