Va̱ʼaní ná kuniñúʼuyó ndiʼi tutu ña̱ táxi na̱ ñuu Ndióxi̱ ndaʼa̱yó

“Kǒo níchaʼvindó xa̱ʼaña ta kǒo kiʼinndó xu̱ʼún xa̱ʼaña”, ka̱chi ta̱ Jesús (Mt 10:8). Kéʼéyó ña̱ ni̱ka̱ʼa̱n ta̱ Jesús ña̱ kǒo kíʼinyó xu̱ʼún ndaʼa̱ na̱ yiví xa̱ʼa Biblia ni xa̱ʼa nda̱a̱ ndáaka tutu táxiyó ndaʼa̱na (2Co 2:17). Soo tutu ña̱ táxiyó ndaʼa̱na ti̱xin tu̱ʼun Ndióxi̱ ka̱naña ta ndáyáʼviníña. Ña̱ va̱ʼa taváyóña ta chindaʼáyóña ku̱ʼu̱nña inka congregación ku̱a̱ʼání xu̱ʼún xíniñúʼuyó. Ña̱kán ña̱ xíniñúʼu kuitíyó ná kiʼinyó.

Kiʼin va̱ʼún kuenta xíʼin na̱ yiví tá ná taxiún tutu ndaʼa̱na, saátu tá ndítandó xíʼin carro válí nu̱ú yáʼa ku̱a̱ʼá na̱ yiví (Mt 7:6). Va̱ása taxiún tutu ndaʼa̱ ndiʼi na̱ yiví, va̱ʼaka natúʼún xíʼinna ta saá kunda̱a̱-iniún á ndixa kúni̱na sákuaʼana. Koto á sáxi̱nuna ña̱ káʼa̱n recuadro yóʼo. Tá va̱ása kúnda̱a̱ va̱ʼa iniún á ndixa kúni̱na sákuaʼana va̱ʼaka taxi iin tratado ndaʼa̱na. Soo va̱ʼava taxiún iin revista ndaʼa̱ na̱ ndúkúña nu̱ún (Pr 3:27, 28).