LECCIÓN 1

Káxiní ka̱ʼún tá ná kixaʼún

Hechos 17:22

Ña̱ ka̱ʼún tá ná kixaʼún xíniñúʼu va̱ʼaní kooña, xíniñúʼu na̱ʼún nu̱úna ndáa ña̱ʼa kúú ña̱ ka̱ʼún xa̱ʼa xíʼinna, ta ndáa xa̱ʼa kúú ña̱ ndáyáʼviña.

Va̱ʼaní ka̱ʼún xíʼinna. Ndaka̱xin iin pregunta, á iin ña̱ ka̱ʼún xa̱ʼa xíʼinna, iin experiencia ña̱ ndixa ku̱u, á iin noticia ña̱ kúni̱na kuniso̱ʼona.

Xa̱a̱ ya̱chi̱ka ndakanixi̱níún ndáa ña̱ʼa kúú ña̱ kúni̱na kunda̱a̱-inina xa̱ʼa, á ndáa ña̱ʼa kúú ña̱ sándi̱ʼi̱-inina, ta ña̱yóʼo ka̱ʼún xa̱ʼa xíʼinna tá ná kixaʼún.
Na̱ʼa̱ nu̱úna ndáa tema kúú ña̱ ka̱ʼún xa̱ʼa. Kiʼin va̱ʼún kuenta, ña̱kán va̱ʼa ná kunda̱a̱-inina ndáa ña̱ʼa kúú ña̱ ka̱ʼún xa̱ʼa xíʼinna tá ná kixaʼún, ta ndáa xa̱ʼa kúú ña̱ ka̱ʼúnña xíʼinna.
Na̱ʼa̱ nu̱úna ndáa xa̱ʼa kúú ña̱ ndáyáʼvi ña̱ káʼún xíʼinna. Ña̱ ndixa xíniñúʼuna ka̱ʼún xa̱ʼa xíʼinna. Káxi va̱ʼa ná kooña, ña̱kán va̱ʼa ná kunda̱a̱-inina ndáa ki̱ʼva chindeéña miína.

Tá táváún iin discurso nda̱ka̱tu̱ʼun xíʼin miíún: “¿Ndáa tu̱ndóʼo yáʼa na̱ hermano ti̱xin congregación nu̱ú ndíka̱i̱?”. Ña̱yóʼo chindeéña yóʼó ña̱ kunda̱a̱-iniún ndáaña kivi ka̱ʼún xa̱ʼa xíʼinna tá ná kixaʼún.