LECCIÓN 45
¿Ndáaña kúni̱ kachi ña̱ kǒo keʼéyó ña̱ íyo ñuyǐví yóʼo?
Ta̱ Jesús sa̱náʼa̱ra ña̱ na̱ discípulora va̱ása kúúna táʼan ña̱ ñuyǐví yóʼo (Juan 15:19). Ña̱yóʼo kúni̱ kachiña ña̱ va̱ása kíʼvina xíʼin ña̱ política ni va̱ása xáʼa̱nna nu̱ú ku̱a̱chi. Soo yo̱ʼvi̱va keʼéyó ña̱yóʼo. Ta nda̱a̱ kivi kusi̱kindaana miíyó xa̱ʼa̱ ña̱yóʼo. ¿Ndáaña kivi keʼéyó ña̱ va̱ása ki̱ʼviyó xíʼin ña̱yóʼo ta saátu nda̱kú koo iniyó xíʼin Jehová?
1. ¿Ndáa ki̱ʼva xíto miíyó na̱ ndásakáʼnu Ndióxi̱ na̱ chíñu ñuyǐví yóʼo?
Miíyó na̱ ndásakáʼnu Ndióxi̱ íxato̱ʼóyó na̱ chíñu. Ta̱ Jesús ni̱ka̱ʼa̱nra: “Taxindó ndaʼa̱ ta̱ César ña̱ʼa ña̱ kúú kuentara”. Ta̱ ña̱yóʼo kúú ña̱ kéʼévayó íxato̱ʼóyó ley ña̱ íyo país nu̱ú ndóoyó, tá kúú ña̱ káʼa̱nna ña̱ chaʼviyó impuesto (Marcos 12:17). Ña̱ Biblia káʼa̱nña, Jehová táxira ña̱ ná kaʼndachíñu na̱ ñuyǐví yóʼo (Romanos 13:1). Xa̱ʼa̱ ña̱kán, kúnda̱a̱-iniyó ña̱ káʼnuka ña̱ xáʼndachíñu Ndióxi̱ nu̱ú ña̱ xáʼndachíñu na̱ ñuyǐví yóʼo. Kúnda̱a̱ káxi iniyó, Ndióxi̱yó ta saátu Reinora sandíʼi-xa̱ʼa̱ña tu̱ndóʼo ña̱ kúúmií na̱ yiví.
2. ¿Ndáa ki̱ʼva náʼa̱yó ña̱ va̱ása kíʼviyó xíʼin ña̱ política?
Nda̱a̱ táki̱ʼva ke̱ʼé ta̱ Jesús saátu miíyó va̱ása kíʼviyó xíʼin ña̱ política. Tá xi̱ni na̱ yiví iin milagro ña̱ ke̱ʼé ta̱ Jesús xi̱kuni̱na ña̱ ná koora rey nu̱ú ñuʼú yóʼo, soo va̱ása níkeʼéra ña̱yóʼo (Juan 6:15). ¿Nda̱chun va̱ása níkeʼéraña? Tá ni̱ya̱ʼa tiempo ni̱ka̱ʼa̱nra ña̱yóʼo: “Su̱ví ñuyǐví yóʼo kúú nu̱ú xáʼndachíñui̱” (Juan 18:36). Miíyó na̱ discípulo ta̱ Jesús ku̱a̱ʼá ki̱ʼva náʼa̱yó ña̱ va̱ása kíʼviyó xíʼin ña̱ política. Tá kúú, va̱ása xáʼa̱nyó guerra (kaʼvi Miqueas 4:3). Ni íxato̱ʼóyó bandera soo va̱ása ndásakáʼnuyóña, chi nda̱a̱ táki̱ʼva íyo ña̱ ndasakáʼnuyó ndióxi̱ vatá saá íyoña (1 Juan 5:21). Ta va̱ása chíndeétáʼanyó xíʼin nda̱a̱ ni iin partido político á iin na̱ kúni̱ kuumií iin chiñu. Ta saá kúú ña̱ náʼa̱yó ña̱ nda̱kú íyo iniyó xíʼin Reino Ndióxi̱, ña̱yóʼo kúú gobierno ña̱ chi̱ndúʼúra.
NÁ SAKUAʼAKAYÓ XA̱ʼA̱ÑA
Ná kotoyó sava ña̱ kivi ixayo̱ʼvi̱ xíʼinyó ña̱ va̱ása keʼéyó ña̱ kéʼé na̱ ñuyǐví yóʼo, ta ná kotoyó ndáaña kivi keʼún ña̱ va̱ʼa vií koo ña̱ ndaka̱xiún keʼún ta sakúsi̱íún-ini Jehová.
3. Miíyó na̱ ndásakáʼnu Ndióxi̱ va̱ása kéʼéyó ña̱ kéʼé na̱ ñuyǐví
Ta̱ Jesús xíʼin na̱ discípulora va̱ʼaní yichi̱ chi̱núuna nu̱úyó. Kaʼvindó Romanos 13:1, 5-7 xíʼin 1 Pedro 2:13, 14. Tándi̱ʼi kotondó VIDEO ta ka̱ʼa̱nndó xa̱ʼa̱ ña̱yóʼo:
¿Nda̱chun xíniñúʼu ixato̱ʼóyó na̱ chíñu?
¿Ndáa ki̱ʼva kivi na̱ʼa̱yó ña̱ xíniso̱ʼoyó ña̱ káʼa̱nna?
Tá xíyo guerra, sava país káʼa̱nna ña̱ va̱ása kíʼvina ku̱a̱chi, soo ni saá chíndeétáʼanvana xíʼin u̱vi̱ saá na̱ kánitáʼan. Soo, ¿á ndixa kúú ña̱ káʼa̱nna? Kaʼvindó Juan 17:16. Tándi̱ʼi kotondó VIDEO ta ka̱ʼa̱nndó xa̱ʼa̱ ña̱yóʼo:
¿Ndáaña keʼéyó tasaá va̱ása keʼéyó ña̱ kéʼé na̱ ñuyǐví?
Sava yichi̱ na̱ chíñu kúni̱na ná keʼéyó iin ña̱ʼa ña̱ va̱ása kítáʼan xíʼin ley Ndióxi̱. ¿Ndáaña keʼéyó tá ná kuu ña̱yóʼo? Kaʼvindó Hechos 5:28, 29. Tándi̱ʼi kotondó VIDEO ta ka̱ʼa̱nndó xa̱ʼa̱ ña̱yóʼo:
Tá iin ley na̱ yiví va̱ása kítáʼanña xíʼin ley Ndióxi̱, ¿ndáaña xíniñúʼu kundiku̱nyó?
¿Ama kúú ña̱ va̱ása kandíxayó ña̱ káʼa̱n na̱ chíñu?
4. Kǒo keʼún ña̱ kéʼé na̱ ñuyǐví yóʼo ta kǒo ndakanixi̱níún xa̱ʼa̱ña
Kaʼvindó 1 Juan 5:21. Tándi̱ʼi kotondó VIDEO ta ka̱ʼa̱nndó xa̱ʼa̱ ña̱yóʼo:
¿Nda̱chun nda̱kaxin ta̱ Ayenge ña̱ va̱ása kitáʼanra xíʼin ni iin partido ta va̱ása ku̱ʼu̱nra vikó nu̱ú chíndeéna bandera?
¿Á túviún ña̱ vií íyo ña̱ nda̱kaxinra keʼéra?
¿Ndáa inkaka ña̱ʼa kivi chindaʼá miíyó ña ki̱ʼviyó xíʼin ña̱ política? Kotondó VIDEO ta ka̱ʼa̱nndó xa̱ʼa̱ ña̱yóʼo:
¿Ndáa ki̱ʼva kivi na̱ʼa̱yó ña̱ va̱ása kéʼéyó táʼan ña̱ kéʼé na̱ ñuyǐví yóʼo tá sísikí iin país xíʼin inka país?
Tá iin na̱ político ndáka̱xinna keʼéna iin ña̱ kivi chindeétáʼan xíʼinyó á va̱ása, ¿ndáa ki̱ʼva kivi na̱ʼa̱yó ña̱ va̱ása kéʼéyó táʼan ña̱ kéʼé na̱ ñuyǐví yóʼo?
¿Á kivi nasama ña̱ káʼa̱nna nu̱ú noticia á ña̱ káʼa̱n na̱ yiví ña̱ va̱ása nda̱kúka koo iniyó xíʼin Ndióxi̱?
¿Ndáa ki̱ʼva náʼa̱ na̱ ndásakáʼnu Ndióxi̱ ña̱ nda̱kú íyo inina xíʼinra, xíʼin ña̱ kéʼéna ta saátu xíʼin ña̱ ndákanixi̱nína?
ÑA̱ NDÁKA̱TU̱ʼUN SAVA NA̱ YIVÍ: “¿Nda̱chun va̱ása chíndeún bandera ta ni va̱ása xítaún himno nacional?”.
¿Ndáaña ndakuiún?
ÑA̱ XA̱A̱ SA̱KUAʼAYÓ
Na̱ ndásakáʼnu Ndióxi̱ chíka̱a̱nína ndeé ña̱ va̱ása ki̱ʼvina xíʼin ña̱ política, ta ña̱yóʼo náʼa̱naña xíʼin ki̱ʼva ña̱ ndákanixi̱nína, ña̱ káʼa̱nna ta saátu xíʼin ña̱ kéʼéna.
Ná ndakaʼányó xa̱ʼa̱ ña̱yóʼo
¿Ama kúú ña̱ xíniñúʼu keʼéyó ña̱ káʼa̱n na̱ chíñu?
¿Nda̱chun va̱ása kíʼviyó xíʼin ña̱ política?
¿Ndáa inkaka ña̱ʼa kivi chindaʼá miíyó ña̱ ki̱ʼviyó xíʼin ña̱ kéʼé na̱ ñuyǐví yóʼo?
NANDUKÚKA XA̱ʼA̱ÑA
¿Ndáaña xíniñúʼu sandákooyó ña̱ va̱ʼa nda̱kú koo iniyó xíʼin Ndióxi̱?
¿Ndáaña kivi keʼé na̱ familia ña̱ va̱ʼa koo tu̱ʼvana ña̱ ya̱ʼana nu̱ú ña̱ kivi ixayo̱ʼvi̱ xíʼinna ña̱ nda̱kú koo inina xíʼin Ndióxi̱?
Nu̱ú ku̱a̱ʼání na̱ yiví, ña̱ kanitáʼanna xa̱ʼa̱ ñuuna kúú ña̱ ndáyáʼviní nu̱úna soo, ¿á ña̱ nda̱a̱ kúú ña̱yóʼo?
¿Ndáa ki̱ʼva náʼa̱yó ña̱ va̱ása kéʼéyó táʼan ña̱ kéʼé na̱ ñuyǐví yóʼo tá ndáka̱xinyó chiñu ña̱ kachíñuyó?
“Iin tá iinna ndakuiinna xa̱ʼa̱ ña̱ kéʼéna” (La Atalaya, 15 tí marzo ku̱i̱ya̱ 2006)