Ndáa ki̱ʼva taxiyóña

La Atalaya 1 tí octubre

“Xíkandi̱ náʼa̱ndi̱ ña̱ revista La Atalaya nu̱ú na̱ ndóo yatin xíʼún. [Na̱ʼa̱ revista nu̱úna.] Ku̱a̱ʼání na̱ yiví ndákanixi̱nína ña̱ sándiʼi-xa̱ʼa miíyó tiempoyó ña̱ káʼa̱nyó xíʼin Ndióxi̱ chi ni iinna kǒo xíniso̱ʼo ña̱ káʼa̱nyó. Savatuna káchina xíniso̱ʼova Ndióxi̱ ña̱ káʼa̱nyó. Ta miítún, ¿ndáaña ndákanixi̱níún xa̱ʼa ña̱yóʼo? [Kundatún ná ndakuiinna.] Koto ña̱ káʼa̱n Biblia xa̱ʼa ña̱yóʼo. [Kaʼvi Isaías 30:19.] Revista yóʼo náʼa̱ nu̱úyó ña̱ xíniso̱ʼova Ndióxi̱ ña̱ káʼa̱nyó xíʼinra tá ña̱ va̱ʼa kúú ña̱ káʼa̱nyó xa̱ʼa.”

Historia ña̱ va̱xi nu̱ú Biblia

“Kúni̱ndi̱ taxindi̱ libro yóʼo ndaʼún chi tu̱ʼun miíún va̱xi nu̱úña. ¿Á xíni̱ún nda̱chun kéʼéndi̱ ña̱yóʼo? Ndúkúi̱ ña̱ maní nu̱ún ña̱ ná kaʼvíún ña̱ káʼa̱n 1 Timoteo 2:3, 4 [kaʼviña]. Ña̱ xa̱a̱na kunda̱a̱-inina xa̱ʼa míí ña̱ nda̱a̱ ña̱ káʼa̱n Biblia xa̱ʼa, ña̱yóʼo chindeéña ndiʼi na̱ yiví nda̱a̱ ndáaka tu̱ʼun káʼa̱nna á nda̱a̱ ndáaka ñuuna. Libro yóʼo naníña Historia ña̱ va̱xi nu̱ú Biblia ta káʼa̱nña xa̱ʼa ña̱yóʼo.” Na̱ʼa̱ na̱ʼná ña̱ va̱xi nu̱ú historia 71 nu̱úna ta kaʼvi u̱vi̱ párrafo ña̱ va̱xi nda̱a̱ nu̱ú ndíʼi nu̱úna tá íyo tiempona. Ka̱ʼa̱n xíʼinna ña̱ ndikoún inka yichi̱ nu̱úna ña̱ natúʼunndó xa̱ʼa historia 115.