Tá va̱’aní kítáʼanyó xíʼin Ndióxi̱ saá kúú ña̱ ndaka̱xin viíyó ña̱ keʼéyó

Kaʼvi Génesis 25:​29-34 ña̱ va̱ʼa kunda̱a̱-iniún á vií íyo ña̱ nda̱kaxin ta̱ Esaú xíʼin ta̱ Jacob.

Nandukú nu̱ú inka tutu ndáakaña káʼa̱nña xa̱ʼa̱ ña̱yóʼo. ¿Ndáaña ku̱u tá ya̱chi̱? (Gén. 25:​20-28). ¿Ndáaña ku̱u tándi̱ʼi? (Gén. 27:​1-46).

Nandukúka xa̱ʼa̱ña. Tá tiempo saá, ¿ndáa derecho xi̱kuumií na̱ se̱ʼe nu̱úna ta ndáa chiñu xi̱kuumiína? (Gén. 18:​18, 19; w10-S 1/5 13).

• ¿Á nduxa̱ xi̱niñúʼu koona se̱ʼe nu̱ú ña̱ va̱ʼa kaku ta̱ Mesías ti̱xin familiana? (w17.12-S 14, 15).

Ndakanixi̱ní ndáaña sa̱kúaʼún ta ndáa ki̱ʼva keʼúnña. Nu̱ú ta̱ Esaú va̱ása níxi̱ndayáʼvi ña̱ koora se̱ʼe nu̱ú, soo nu̱ú ta̱ Jacob xi̱ndayáʼviní ña̱yóʼo (Heb. 12:​16, 17; w03-S 15/10 28, 29). ¿Nda̱chun xi̱kuʼvi̱ka-ini Jehová xi̱xinira ta̱ Jacob nu̱úka ta̱ Esaú? (Mal. 1:​2, 3). ¿Ndáaña xi̱niñúʼu keʼé ta̱ Esaú tasaá vií koo ña̱ ndaka̱xinra keʼera?

• Ndakanixi̱ní xa̱ʼa̱ ña̱yóʼo: “Tá ndákanixi̱níi̱ xa̱ʼa̱ ña̱ keʼíi̱ semana tá semana, ¿ndáa ki̱ʼva náʼi̱ ña̱ ndáyáʼviní chiñu Ndióxi̱ nu̱úi̱, tá kúú ña̱ kaʼvii̱ xíʼin na̱ veʼi̱?”