၃၇ “တိုင်းပြည်မှာ အငတ်ဘေး၊+ ကပ်ရောဂါဘေး၊ အပူရှိန်ကြောင့် အပင်သေတဲ့ဘေး၊ မှိုရောဂါ၊+ ကျိုင်းကောင်အုပ် ဒါမှမဟုတ် နှံကောင်အုပ်တွေ ကျရောက်တဲ့အခါ၊ မြို့တစ်မြို့ကို ရန်သူတွေဝိုင်းရံတဲ့အခါ ဒါမှမဟုတ် ဘေးဒဏ်တစ်မျိုးမျိုး၊ ရောဂါတစ်မျိုးမျိုး ကျရောက်တဲ့အခါ၊+ ၃၈ တစ်ဦးတစ်ယောက်ဖြစ်စေ၊ အစ္စရေးလူအားလုံးဖြစ်စေ (ကိုယ့်စိတ်ဒုက္ခကို ကိုယ်ပဲသိတဲ့အတွက်)+ ဒီအိမ်တော်ဘက် လက်ဖြန့်ပြီး ဆုတောင်းမယ်၊ မျက်နှာသာရဖို့ အသနားခံမယ်ဆိုရင်၊+ ၃၉ စံမြန်းရာ ကောင်းကင်ကနေ+ နားထောင်ပြီး ခွင့်လွှတ်ပေးပါ။+ တစ်ဦးစီရဲ့စိတ်ကို ကိုယ်တော်သိတဲ့အတွက် သူတို့ရဲ့ လုပ်ရပ်အတိုင်း အရေးယူလုပ်ဆောင်ပြီး ဆုချပေးပါ။+ (လူသားတိုင်းရဲ့ စိတ်နှလုံးကို ကိုယ်တော်တစ်ပါးတည်းသာ အမှန်တကယ် သိတာပါ။)+ ၄၀ ဒါမှသာ သူတို့ဟာ ဘိုးဘေးတွေကိုပေးထားတဲ့ ပြည်မှာ နေထိုင်သမျှ ကာလပတ်လုံး ကိုယ်တော့်ကို ကြောက်ရွံ့ရိုသေကြပါလိမ့်မယ်။