• ၂ ဘုရင်များ ၂၂:၁၈၊ ၁၉
    သမ္မာကျမ်းစာ ကမ္ဘာသစ်ဘာသာပြန်ကျမ်း

    • ၁၈ ယေဟောဝါကို မေးမြန်းဖို့ စေလွှတ်လိုက်တဲ့ ယုဒဘုရင်ကို ပြန်ပြောလိုက်ပါ။ “အစ္စရေးတို့ရဲ့ဘုရား ယေဟောဝါပြောတာက ‘မင်းကြားရတဲ့စကားတွေနဲ့ ပတ်သက်လို့၊ ၁၉ ငါယေဟောဝါ ပြောမယ်– ဒီမြို့နဲ့ မြို့သားတွေဟာ ထိတ်လန့်စရာ၊ ကျိန်စာတိုက်စရာ ဖြစ်ရမယ်ဆိုတဲ့ ငါ့စီရင်ချက်ကို ကြားတဲ့အခါ မင်း စိတ်ထိခိုက်ပြီး ငါယေဟောဝါရှေ့မှာ ကိုယ့်ကိုယ်ကိုယ် နှိမ့်ချခဲ့တယ်။+ အဝတ်ကို ဆွဲဆုတ်ပြီး+ ငါ့ရှေ့မှာ ငိုကြွေးခဲ့တယ်။ ဒါကို ငါကြားတယ်။

  • ဟေရှာယ ၅၇:၁၅
    သမ္မာကျမ်းစာ ကမ္ဘာသစ်ဘာသာပြန်ကျမ်း

    • ၁၅ သန့်ရှင်းမြင့်မြတ်တဲ့ နာမည်ကို ပိုင်ဆိုင်ပြီး+

      ထာဝစဉ်အသက်ရှင်တဲ့+ အမြင့်မြတ်ဆုံးအရှင် ပြောတာက–

      “မြင့်တဲ့နေရာ၊ သန့်ရှင်းတဲ့နေရာမှာ ငါစံမြန်းပေမဲ့+ စိတ်ထောင်းကိုယ်ကြေ ဖြစ်နေသူတွေ၊ စိတ်နှိမ့်ချသူတွေဆီမှာလည်း ငါနေတယ်။

      စိတ်နှိမ့်ချသူကို အားသစ်လောင်းပေးမယ်။

      ကြေကွဲနေသူတွေကို အားသစ်လောင်းပေးမယ်။+

  • လုကာ ၁၅:၂၂-၂၄
    သမ္မာကျမ်းစာ ကမ္ဘာသစ်ဘာသာပြန်ကျမ်း

    • ၂၂ အဲဒီအခါ ဖခင်က ကျွန်တွေကို ‘အကောင်းဆုံးဝတ်လုံကို မြန်မြန်ယူလာပြီး သူ့ကိုဝတ်ပေးကြ။ လက်စွပ်စွပ်ပေးပြီး ဖိနပ်စီးပေးကြ။ ၂၃ ဆူဖြိုးတဲ့ နွားကလေးကို ယူပြီး သတ်ကြ။ စားသောက်ပွဲ လုပ်ကြရအောင်။ ၂၄ ဘာကြောင့်လဲဆိုတော့ ငါ့သားဟာ သေရာကနေ ပြန်ရှင်လာပြီ။+ ပျောက်သွားပြီးမှ ပြန်တွေ့တာ’ လို့ပြောပြီး တပျော်တပါး စားသောက်ကြတယ်။

  • လုကာ ၁၈:၁၃၊ ၁၄
    သမ္မာကျမ်းစာ ကမ္ဘာသစ်ဘာသာပြန်ကျမ်း

    • ၁၃ အခွန်ခံကတော့ ခပ်လှမ်းလှမ်းမှာရပ်ပြီး ကောင်းကင်ကိုတောင် မော့မကြည့်ဝံ့ဘဲ ‘ဘုရားသခင်၊ အပြစ်သားဖြစ်တဲ့ ကျွန်တော့်ကို သနားပါ’+ လို့ ရင်ဘတ်ကိုထုပြီး ဆုတောင်းတယ်။ ၁၄ အဲဒီနောက် အခွန်ခံ အိမ်ပြန်သွားတယ်။ ကျွန်တော် ပြောမယ်။ သူဟာ ဖာရိရှဲထက်ပိုဖြောင့်မတ်တယ်။+ ကိုယ့်ကိုယ်ကိုယ် ချီးမြှောက်တဲ့သူဟာ နှိမ့်ချခံရပြီး နှိမ့်ချတဲ့သူကတော့ ချီးမြှောက်ခံရလိမ့်မယ်။”+