၂၄ သူတို့ရဲ့ သားသမီးတွေ ဝင်ရောက်သိမ်းပိုက်ခဲ့ကြတယ်။+ အဲဒီပြည်မှာနေထိုင်တဲ့ ခါနန်လူတွေကို သူတို့ရှေ့မှာပဲ ကိုယ်တော်နှိမ်နင်းခဲ့တယ်။+ အဲဒီလူမျိုးရဲ့ ဘုရင်တွေ၊ ပြည်သူပြည်သားတွေကို စိတ်တိုင်းကျလုပ်နိုင်အောင် သူတို့လက်ထဲ အပ်လိုက်တယ်။ ၂၅ သူတို့က ခံတပ်မြို့တွေနဲ့+ မြေသြဇာကောင်းတဲ့ပြည်ကို+ သိမ်းပိုက်တယ်။ ကောင်းမွန်ရာအမျိုးမျိုး ပြည့်နေတဲ့အိမ်၊ တူးပြီးသား ရေတွင်း၊ စပျစ်ခြံ၊ သံလွင်ခြံ၊+ လှိုင်လှိုင်သီးတဲ့ အပင်တွေကိုလည်း သိမ်းယူတယ်။ ဝဝလင်လင် စားသောက်ပြီး ဝဖြိုးလာကြတယ်။ ကိုယ်တော်ရဲ့ ကြီးမားလှတဲ့ ကောင်းမြတ်မှုကို ခံစားရတယ်။