၇ “ယေဟောဝါဘုရားပေးတဲ့ ပြည်ထဲက မြို့တစ်မြို့မှာ ကိုယ့်ညီအစ်ကိုတစ်ယောက် ဆင်းရဲနေတယ်ဆိုရင် သူ့အပေါ် အကြင်နာ မကင်းမဲ့ရဘူး။ မတွန့်တိုရဘူး။+ ၈ သူ့ကို ရက်ရက်ရောရော ပေးကမ်းရမယ်။+ သူလိုအပ်တာ၊ သူ့မှာ မရှိတာတွေကို ချေးငှားပေးရမယ်။

၄၁ နိမ့်ကျသူကို စာနာမှုပြတဲ့သူဟာ ပျော်ရွှင်ချမ်းမြေ့တယ်။+

ဘေးဆိုးကြုံရချိန်မှာ ယေဟောဝါ ကယ်တင်လိမ့်မယ်။

၁၇ နိမ့်ကျသူကို မျက်နှာသာပေးတဲ့သူဟာ ယေဟောဝါကို ချေးငှားပေးတဲ့သူပဲ။+

သူ့လုပ်ရပ်အတွက် ဘုရား ပြန်ဆပ်ပေးလိမ့်မယ်။+

၃၄ ပြန်ရမယ်ဆိုတဲ့ မျှော်လင့်ချက်နဲ့ ချေးငှားပေးရင် ဘာထူးခြားလို့လဲ။+ အပြစ်သားတွေတောင် ကျေးဇူးဆပ်ခံချင်လို့ အချင်းချင်း ချေးငှားတတ်တာပဲ။ ၃၅ ခင်ဗျားတို့ကတော့ ရန်သူတွေကို မေတ္တာထားမြဲထားပါ။ အမြဲကောင်းမှုပြုပါ။ ပြန်ရမယ်လို့ မမျှော်လင့်ဘဲ အမြဲချေးငှားပေးပါ။+ အဲဒီလိုလုပ်ရင် ခင်ဗျားတို့ရမယ့် ဆုဟာ ကြီးမြတ်လိမ့်မယ်။ အမြင့်မြတ်ဆုံးအရှင်ရဲ့ သားတွေ ဖြစ်လိမ့်မယ်။ ဘာကြောင့်လဲဆိုတော့ ဘုရားက ကျေးဇူးမသိတတ်သူတွေ၊ လူဆိုးတွေကို ကျေးဇူးပြုတဲ့အရှင် ဖြစ်လို့ပဲ။+

၃၅ ဒီနည်းနဲ့ ခင်ဗျားတို့လည်း အလုပ်ကြိုးစားပြီး+ အားနည်းသူတွေကို ထောက်မပေးဖို့၊ ‘ရယူခြင်းထက် ပေးကမ်းခြင်းက ပိုပျော်ရွှင်စေတယ်’+ ဆိုတဲ့ သခင်ယေရှုရဲ့စကားကို အမြဲအမှတ်ရနေဖို့ အရာရာမှာ ကျွန်တော် ပုံနမူနာပြခဲ့တယ်” လို့ပြောတယ်။

၁၆ ဒါ့အပြင် ကောင်းမှုပြုဖို့၊ ကိုယ့်မှာရှိတာကို သူတစ်ပါးကို ဝေမျှဖို့ မမေ့ပါနဲ့။+ ဘာလို့လဲဆိုတော့ အဲဒီလိုပူဇော်သက္ကာတွေကို ဘုရားသခင် နှစ်သက်တယ်။+