ဆာလံ

၃၃ ဖြောင့်မတ်သူတို့၊ ယေဟောဝါကြောင့် ရွှင်လန်းစွာ သီချင်းဆိုကြ။+

စိတ်ရိုးဖြောင့်သူတွေ ဘုရားကို ချီးမွမ်းသင့်တယ်။

၂ စောင်းတီးပြီး ယေဟောဝါကို ကျေးဇူးတင်ချီးမွမ်းကြပါ။

ဆယ်ကြိုးတပ်တူရိယာ တီးခတ်ပြီး ချီးမွမ်းသီချင်းဆိုကြပါ။

၃ ဘုရားအတွက် သီချင်းသစ် သီဆိုကြပါ။+

စောင်းကြိုးတွေကို ကျကျနန တီးခတ်ပြီး ရွှင်လန်းစွာ သီချင်းဆိုကြပါ။

၄ ယေဟောဝါရဲ့ နှုတ်ထွက်စကားဟာ ဖြောင့်မှန်တယ်။+

ဘုရားလုပ်ဆောင်သမျှ ယုံကြည်စိတ်ချထိုက်တယ်။

၅ ဖြောင့်မတ်ခြင်းနဲ့ တရားမျှတခြင်းကို ဘုရားမြတ်နိုးတယ်။+

ကမ္ဘာမြေဟာ ယေဟောဝါရဲ့ ခိုင်မြဲတဲ့မေတ္တာနဲ့ ပြည့်ဝနေတယ်။+

၇ ပင်လယ်ရေကို ဆည်ထဲမှာ စုသလို စုစည်းထားတယ်။+

လှိုင်းထန်တဲ့ရေကိုလည်း သိုလှောင်ခန်းတွေမှာ သိမ်းထားတယ်။

၈ ကမ္ဘာမြေတစ်ခွင်လုံး ယေဟောဝါကို ကြောက်ရွံ့ပါစေ။+

ကမ္ဘာသူကမ္ဘာသားအားလုံး ဘုရားကို ရိုသေကိုင်းရှိုင်းကြပါစေ။

၉ ဘုရားပြောရင် ပြောတဲ့အတိုင်း ဖြစ်လာတယ်။+

အမိန့်ပေးရင် ပေးတဲ့အတိုင်း တည်တယ်။+

၁၀ ယေဟောဝါက လူမျိုးတွေရဲ့ အကြံအစည်ကို ပျက်ပြားစေတယ်။+

လူတွေရဲ့ အစီအစဉ်ကို ဖျက်ဆီးတယ်။+

၁၁ ယေဟောဝါရဲ့ ဆုံးဖြတ်ချက်တွေကတော့ ထာဝစဉ်တည်လိမ့်မယ်။+

ဘုရားရဲ့ စိတ်ကူးကြံစည်မှုတွေလည်း လူမျိုးအဆက်ဆက်တိုင်အောင် တည်လိမ့်မယ်။

၁၅ လူအားလုံးရဲ့ စိတ်နှလုံးကို ဖန်ဆင်းတာ ဘုရားသခင်ပဲ။

သူတို့လုပ်ဆောင်သမျှကို ဘုရား စစ်ဆေးတယ်။+

၁၆ တပ်မဟာကြီးက ဘုရင်ကို မကယ်နိုင်ဘူး။+

တန်ခိုးအာဏာကြီးမားမှုက ခွန်အားကြီးသူကို မကယ်နိုင်ဘူး။+

၁၇ တိုက်ပွဲနိုင်ဖို့ မြင်းကို အားကိုးရင် မှားလိမ့်မယ်။+

မြင်းက ခွန်အားဘယ်လောက်ကြီးကြီး လွတ်မြောက်ဖို့ အာမမခံနိုင်ဘူး။

၂၀ ယေဟောဝါကို ငါတို့ မျှော်လင့်စောင့်စားနေတယ်။

ဘုရားဟာ ငါတို့ရဲ့ကူညီမစရှင်၊ ငါတို့ရဲ့ဒိုင်းလွှားပဲ။+

၂၁ သန့်ရှင်းတဲ့ နာမတော်ကို ငါတို့ ယုံကြည်ကိုးစားတယ်။+

ဘုရားကြောင့် စိတ်ရွှင်လန်းရတယ်။