၁ ရာဇဝင်ချုပ်
၂၃ ဒါဝိဒ်ဟာ အသက်ကြီးပြီး ဘဝနေဝင်ချိန် ရောက်လာတဲ့အခါ သားတော် ရှောလမုန်ကို အစ္စရေးဘုရင်အဖြစ် နန်းတင်လိုက်တယ်။+ ၂ ပြီးတော့ အစ္စရေးမှူးမတ်တွေ၊ ပုရောဟိတ်တွေ၊+ လေဝိအမျိုးသားတွေကို+ စုရုံးတယ်။ ၃ အသက် ၃၀ ပြည့်တဲ့ လေဝိအမျိုးသားတွေကို ရေတွက်တဲ့အခါ+ ၃၈,၀၀၀ ရှိတယ်။ ၄ သူတို့ထဲမှာ ၂၄,၀၀၀ က ယေဟောဝါရဲ့ အိမ်တော်လုပ်ငန်းကို ကြီးကြပ်ရတယ်။ ၆,၀၀၀ က လက်ထောက်ခေါင်းဆောင်နဲ့ တရားသူကြီးတွေ လုပ်ရတယ်။+ ၅ တံခါးစောင့် ၄,၀၀၀ ရှိတယ်။+ ကျန်တဲ့ ၄,၀၀၀ က “ချီးမွမ်းသီဆိုတဲ့အခါ တီးမှုတ်ဖို့ ငါလုပ်ထားတာ” ဆိုပြီး ဒါဝိဒ်ပြောခဲ့တဲ့ တူရိယာတွေ တီးမှုတ်ပြီး ယေဟောဝါကို ချီးမွမ်းသီဆိုရတယ်။+
၆ ဒါဝိဒ်က ဂေရရှုန်၊ ကောဟတ်၊ မေရာရိဆိုတဲ့ လေဝိသားသုံးယောက်ရဲ့+ နာမည်အလိုက် အုပ်စုတွေ ဖွဲ့လိုက်တယ်။+ ၇ ဂေရရှုန်အမျိုးသား နှစ်ယောက်က လာဒန်နဲ့ ရှိမိ။ ၈ လာဒန်ရဲ့သားသုံးယောက်က ခေါင်းဆောင်ယေဟေလ၊ ဇေသံ၊ ယောလ။+ ၉ လာဒန်ကနေ ဆင်းသက်လာတဲ့ ဆွေမျိုးစုခေါင်းဆောင် သုံးယောက်က ရှေလောမုတ်၊ ဟာဇေလ၊ ခါရန်။ သူတို့ရဲ့အဖေက ရှိမိ။* ၁၀ ရှိမိ* ရဲ့သားတွေက ယာဟတ်၊ ဇိန၊ ယုရှ၊ ဗေရိယ။ သူတို့လေးယောက်ဟာ ရှိမိရဲ့သားတွေပဲ။ ၁၁ ခေါင်းဆောင်က ယာဟတ်။ ဒုတိယက ဇိဇ။ ယုရှနဲ့ ဗေရိယမှာတော့ သားအများကြီး မရှိတဲ့အတွက် နှစ်ယောက်ပေါင်း အိမ်ထောင်တစ်စုလို့ သတ်မှတ်ပြီး တာဝန်တစ်မျိုးတည်း ရကြတယ်။
၁၂ ကောဟတ်မှာ အာမရံ၊ အိဇဟာ၊+ ဟေဗြုန်၊ သြဇေလ+ ဆိုတဲ့ သား ၄ ယောက်ရှိတယ်။ ၁၃ အာမရံရဲ့သားတွေက အာရုန်နဲ့+ မောရှေ။+ အာရုန်နဲ့ သူ့သားမြေးတွေကိုတော့ အသန့်ရှင်းဆုံးအခန်းကို သန့်ရှင်းမြင့်မြတ်စေဖို့၊ ယေဟောဝါရှေ့မှာ ပူဇော်သက္ကာဆက်သပြီး ဘုရားအတွက် အမှုဆောင်ဖို့၊ ဘုရားရဲ့နာမည်ကို အမှီပြုပြီး အမြဲကောင်းချီးပေးဖို့+ သီးသန့်ဖယ်ထားလိုက်တယ်။+ ၁၄ စစ်မှန်တဲ့ဘုရားသခင်ရဲ့လူ မောရှေရဲ့သားတွေက လေဝိအနွယ်ဝင် စာရင်းထဲမှာ ပါတယ်။ ၁၅ မောရှေရဲ့သားတွေက ဂေရရှုံနဲ့+ ဧလျာဇာ။+ ၁၆ ဂေရရှုံရဲ့သားတွေထဲမှာ ခေါင်းဆောင်က ရှေဗွေလ။+ ၁၇ ဧလျာဇာရဲ့ သားမြေးတွေထဲမှာ ခေါင်းဆောင်က ရေဟဘိ။+ ဧလျာဇာမှာ တခြားသားတွေ မရှိပေမဲ့ ရေဟဘိမှာတော့ သားတွေအများကြီး ရှိတယ်။ ၁၈ အိဇဟာရဲ့သားတွေထဲမှာ+ ခေါင်းဆောင်က ရှေလောမိတ်။+ ၁၉ ဟေဗြုန်ရဲ့သားတွေထဲမှာ ခေါင်းဆောင်က ယေရိ၊ ဒုတိယက အာမရိ၊ တတိယက ယဟာဇေလ၊ စတုတ္ထက ယေကမံ။+ ၂၀ သြဇေလရဲ့သားတွေထဲမှာ+ ခေါင်းဆောင်က မိက္ခာ၊ ဒုတိယက အိရှယ။
၂၁ မေရာရိရဲ့သားတွေက မဟာလိနဲ့ မုရှိ။+ မဟာလိရဲ့သားတွေက ဧလာဇာနဲ့ ကိရှ။ ၂၂ ဧလာဇာကတော့ ကွယ်လွန်သွားတယ်။ သားတစ်ယောက်မှ မရှိဘဲ သမီးတွေပဲရှိတာကြောင့် ဆွေမျိုးတွေဖြစ်တဲ့ ကိရှရဲ့သားတွေက သူတို့နဲ့ လက်ထပ်ကြတယ်။ ၂၃ မုရှိမှာတော့ မဟာလိ၊ ဧဒါ၊ ယေရမုတ်လို့ခေါ်တဲ့ သားသုံးယောက် ရှိတယ်။
၂၄ ယေဟောဝါရဲ့ အိမ်တော်လုပ်ငန်း လုပ်ဆောင်ဖို့ အသက် ၂၀ ပြည့်ပြီးသူတွေကို စာရင်းကောက်တဲ့အခါ နာမည်စာရင်းဝင်သူတွေ ရှိတယ်။ သူတို့ဟာ ဖခင်မျိုးရိုးအလိုက် လေဝိရဲ့သားမြေးတွေ၊ ဆွေမျိုးစုခေါင်းဆောင်တွေပဲ။ ၂၅ ဒါဝိဒ်က “အစ္စရေးတို့ရဲ့ဘုရား ယေဟောဝါက မိမိလူမျိုးကို အေးချမ်းစွာ နေထိုင်ခွင့်ပေးပြီ။+ ဂျေရုဆလင်မြို့မှာ ဘုရား ထာဝစဉ် စံမြန်းလိမ့်မယ်။+ ၂၆ လေဝိအမျိုးသားတွေလည်း တဲတော်နဲ့ တဲတော်ပစ္စည်းတွေကို သယ်စရာ မလိုတော့ဘူး”+ လို့ပြောခဲ့တဲ့အတွက်၊ ၂၇ သူ့ရဲ့ နောက်ဆုံးညွှန်ကြားချက်တွေအရ အသက် ၂၀ ပြည့်တဲ့ လေဝိအမျိုးသားတွေကို ရေတွက်တယ်။ ၂၈ သူတို့ရဲ့တာဝန်က ယေဟောဝါရဲ့ အိမ်တော်လုပ်ငန်းမှာ အာရုန်ရဲ့သားမြေးတွေကို ကူညီပေးဖို့၊+ အိမ်တော်ဝင်းတွေ၊+ စားသောက်ခန်းတွေကို ကြီးကြပ်ဖို့၊ သန့်ရှင်းမြင့်မြတ်ရာတွေကို စင်ကြယ်စေဖို့နဲ့ ဘုရားသခင်ရဲ့ အိမ်တော်လုပ်ငန်းအတွက် လိုအပ်သမျှ လုပ်ဆောင်ပေးဖို့ဖြစ်တယ်။ ၂၉ အဆင့်ဆင့်တင်ထားတဲ့မုန့်၊*+ ကောက်နှံအလှူအတွက် ဂျုံနု၊ တဆေးမဲ့မုန့်ပြားတွေ၊+ ဒယ်ပြားမှာလုပ်တဲ့ မုန့်တွေ၊ နယ်ထားတဲ့ မုန့်စိမ်း၊+ အလေးချိန် အခြင်အတွယ်တွေနဲ့ ပတ်သက်ပြီးတော့လည်း သူတို့ ကူညီပေးရတယ်။ ၃၀ မနက်တိုင်း ယေဟောဝါကို ကျေးဇူးတင်ချီးမွမ်းဖို့ ရပ်နေရတယ်။+ ညနေပိုင်းမှာလည်း ရပ်နေရတယ်။+ ၃၁ ဥပုသ်နေ့တွေ၊+ လဆန်းနေ့တွေ၊+ ပွဲတော်ရာသီတွေမှာ+ ယေဟောဝါအတွက် မီးရှို့ရာ ပူဇော်သက္ကာတွေကို ပူဇော်တဲ့အခါတိုင်း ကူညီပေးရတယ်။ ပူဇော်သက္ကာတွေနဲ့ပတ်သက်ပြီး သတ်မှတ်ထားတဲ့ အရေအတွက်အတိုင်း ယေဟောဝါရှေ့မှာ ပုံမှန် ပူဇော်ရတယ်။ ၃၂ တွေ့ဆုံရာတဲတော်နဲ့ သန့်ရှင်းရာအရပ်မှာ သူတို့ရဲ့ တာဝန်တွေကို ထမ်းဆောင်ရတယ်။ ယေဟောဝါရဲ့ အိမ်တော်မှာ ညီအစ်ကိုတွေဖြစ်တဲ့ အာရုန်ရဲ့သားမြေးတွေကိုလည်း ကူညီပေးရတယ်။