၁ ရှမွေလ
၁၈ ဒါဝိဒ်က ရှောလုမင်းကို လျှောက်တင်ပြီးတဲ့နောက် ယောနသန်နဲ့+ ဒါဝိဒ်ဟာ သိပ်ရင်းနှီးသွားကြတယ်။ ယောနသန်က ဒါဝိဒ်ကို ကိုယ်နဲ့ထပ်တူ ချစ်ခင်တယ်။+ ၂ အဲဒီနေ့ကစပြီး ရှောလုမင်းက ဒါဝိဒ်ကို အိမ်ပြန်ခွင့် မပေးတော့ဘဲ အနားမှာ အမြဲခစားစေတယ်။+ ၃ ယောနသန်က ဒါဝိဒ်ကို ကိုယ်နဲ့ထပ်တူ ချစ်ခင်တဲ့အတွက်+ နှစ်ယောက်သား ကတိသစ္စာပြုကြတယ်။+ ၄ ယောနသန်က လက်ပြတ်ဝတ်ရုံကို ချွတ်ပြီး ဒါဝိဒ်ကို ပေးတယ်။ သူ့ရဲ့အသုံးအဆောင်ပစ္စည်း၊ ဓား၊ လေးနဲ့ ခါးစည်းကြိုးကိုလည်း ပေးတယ်။ ၅ အဲဒီအချိန်ကစပြီး ဒါဝိဒ်လည်း စစ်တိုက်ထွက်ရတယ်။ ရှောလုစေခိုင်းသမျှ အောင်မြင်အောင်လုပ်တယ်။*+ ဒါကြောင့် ရှောလုက စစ်သည်တွေကို ကွပ်ကဲဖို့ ဒါဝိဒ်ကို ခန့်လိုက်တော့+ ပြည်သူပြည်သားတွေရော မင်းမှုထမ်းတွေပါ သဘောကျကြတယ်။
၆ ဒါဝိဒ်နဲ့စစ်သည်တွေက ဖိလိတိလူတွေကို တိုက်ခိုက်ပြီး ပြန်လာတဲ့အခါ အမျိုးသမီးတွေက ရှောလုမင်းကို ကြိုဆိုဖို့ အစ္စရေးမြို့ရွာတွေကနေ ဝမ်းသာအားရ ထွက်လာတယ်။ ချူတပ်ဗုံတွေ၊ ဗျပ်စောင်းတွေ တီးပြီး သီဆိုကခုန်ကြတယ်။+ ၇ အဲဒီအမျိုးသမီးတွေက
၈ အဲဒီသီချင်းကို ရှောလုမကြိုက်ဘူး။ ဒါကြောင့် ဒေါသထွက်ပြီး+ “ဒါဝိဒ်ကို အသောင်းသောင်း၊ ငါ့ကိုကျတော့ အထောင်ထောင်တဲ့။ ဒီအတိုင်းဆို သူ့ကို ထီးနန်းအပ်ဖို့ပဲ ကျန်တော့တာပေါ့”+ လို့ ပြောတယ်။ ၉ အဲဒီနေ့ကစပြီး ရှောလုက ဒါဝိဒ်ကို မသင်္ကာစိတ်နဲ့ အမြဲ စောင့်ကြည့်နေတော့တယ်။
၁၀ နောက်တစ်နေ့မှာ ရှောလုရဲ့ မကောင်းတဲ့စိတ်ထားက သူ့ကို နှောင့်ယှက်တဲ့အခါ ဘုရားသခင် ခွင့်ပြုလိုက်တယ်။+ ဒါကြောင့် ရှောလုက နန်းတော်ထဲမှာ ထူးထူးဆန်းဆန်း ပြုမူတော့တယ်။* ဒါဝိဒ်ကတော့ ခါတိုင်းလိုပဲ စောင်းတီးပေးတယ်။+ ရှောလုက လှံတစ်ချောင်း ကိုင် ထားတယ်။+ ၁၁ “ဒါဝိဒ်ကို နံရံမှာကပ်သွားအောင် ထိုးပစ်မယ်” ဆိုပြီး လှံနဲ့ ပစ်ပေါက်တယ်။+ ဒါဝိဒ်က နှစ်ကြိမ်စလုံး ရှောင်နိုင်ခဲ့တယ်။ ၁၂ ယေဟောဝါက ဒါဝိဒ်နဲ့အတူရှိပြီး ရှောလုကို စွန့်ခွာသွားပြီ။+ ဒါကြောင့် ရှောလုက ဒါဝိဒ်ကို ကြောက်လာပြီး၊+ ၁၃ အနားမှာ မခစားခိုင်းတော့ဘဲ ထောင်တပ်မှူး ခန့်လိုက်တယ်။ ဒါဝိဒ်က တပ်ကိုဦးစီးပြီး တိုက်ပွဲဝင်ရတယ်။+ ၁၄ ဒါဝိဒ်လုပ်သမျှ အမြဲ အောင်မြင်တယ်။+ ယေဟောဝါလည်း သူနဲ့အတူရှိတယ်။+ ၁၅ ဒါဝိဒ် အောင်မြင်လာတာကို မြင်တဲ့အခါ ရှောလု ပိုကြောက်လာတယ်။ ၁၆ အစ္စရေးနဲ့ ယုဒစစ်သည်တွေကတော့ ရှေ့ကနေ ဦးဆောင်တိုက်ပွဲဝင်နေတဲ့ ဒါဝိဒ်ကို ချစ်ခင်ကြတယ်။
၁၇ နောက်ပိုင်းမှာ ရှောလုက “မင်းကို ငါ့သမီးကြီး မေရပ်နဲ့+ ပေးစားမယ်။+ မင်းသာ ယေဟောဝါဘုရားရဲ့ တိုက်ပွဲတွေကို ရွပ်ရွပ်ချွံချွံ ဆက်တိုက်ခိုက်ပါ”+ လို့ ဒါဝိဒ်ကို ပြောတယ်။ တကယ်တော့ ‘ငါ့လက်ချက်နဲ့ မသေဘဲ ဖိလိတိလူတွေလက်ချက်နဲ့ သေပါစေ’ ဆိုပြီး ကြံစည်နေတာ။+ ၁၈ ဒါဝိဒ်က “ကျွန်တော့်ဆွေမျိုးတွေ၊ အဖေ့အိမ်သားတွေက အစ္စရေးလူမျိုးမှာ ဘယ်သူတွေမို့လို့လဲ။ ကျွန်တော့်လိုလူစားမျိုးဟာ ဘုရင့်သမက် မဖြစ်ထိုက်ပါဘူး”+ ဆိုပြီးဖြေတယ်။ ၁၉ ဒါပေမဲ့ ရှောလုရဲ့သမီး မေရပ်ကို ဒါဝိဒ်နဲ့ ပေးစားမယ့်အချိန် ရောက်လာတဲ့အခါ မဟောလမြို့သား အဒြေလနဲ့ ပေးစားထားနှင့်ပြီ။+
၂၀ ရှောလုရဲ့သမီး မိခါလက+ ဒါဝိဒ်ကို ချစ်နေတယ်။ ဒီအကြောင်းကို ရှောလုသိသွားတော့ အကြိုက်တွေ့သွားတယ်။ ၂၁ “ဒါဝိဒ်ကို ထောင်ချောက်ဆင်ဖို့ အခွင့်ကောင်းပဲ။ ငါ့သမီးနဲ့သာ ပေးစားလိုက်ရင် ဖိလိတိလူတွေလက်ချက်နဲ့ သူ သေမှာပဲ” လို့ကြံစည်တယ်။+ ဒါနဲ့ ဒါဝိဒ်ကို “ငါ့သမီးကို လက်ထပ်ပါ” ဆိုပြီး နောက်တစ်ကြိမ် ပြောတယ်။ ၂၂ ဒါ့အပြင် “‘မင်းကို မင်းကြီး သဘောကျနေတယ်။ မင်းမှုထမ်းတွေကလည်း မင်းကို ချစ်ခင်ကြတယ်။ ဒီတော့ သမီးတော်နဲ့ လက်ထပ်ပါ’ လို့ ဒါဝိဒ်ကို တိုးတိုးတိတ်တိတ် ပြောကြ” ဆိုပြီး မင်းမှုထမ်းတွေကို မှာတယ်။ ၂၃ မင်းမှုထမ်းတွေက အဲဒီအတိုင်းပြောကြပေမဲ့ ဒါဝိဒ်က “ဘုရင့်သမီးတော်နဲ့ လက်ထပ်ဖို့ဆိုတာ အသေးအဖွဲကိစ္စလို့ ထင်နေကြတာလား။ ကျွန်တော်ဟာ အထင်ကြီးစရာ ဘာမှမရှိတဲ့ ဆင်းရဲသားပါ”+ ဆိုပြီးပြောတယ်။ ၂၄ မင်းမှုထမ်းတွေလည်း ဒါဝိဒ်ပြောသမျှ ရှောလုကို ပြန်ပြောပြကြတယ်။
၂၅ အဲဒီအခါ ရှောလုက မင်းမှုထမ်းတွေကို “‘မင်းကြီးက တင်တောင်းငွေကို လိုချင်တာ မဟုတ်ဘူး။+ မင်းကြီးရဲ့ ရန်သူတွေကို လက်စားချေပေးတဲ့အနေနဲ့ ဖိလိတိလူတွေရဲ့ အရေဖျား ၁၀၀ ကိုပဲ လိုချင်တာ’+ လို့ ဒါဝိဒ်ကို ပြောလိုက်” ဆိုပြီးမှာတယ်။ တကယ်တော့ ဖိလိတိလူတွေလက်ချက်နဲ့ ဒါဝိဒ်သေသွားအောင် ကြံစည်နေတာ။ ၂၆ မင်းမှုထမ်းတွေ အဲဒီအတိုင်း ပြန်ပြောပြတော့ ဒါဝိဒ်လည်း ဘုရင့်သမက် ဖြစ်ချင်တဲ့အတွက်+ သတ်မှတ်ထားချိန် မတိုင်ခင်၊ ၂၇ သူ့လူတွေနဲ့ ထွက်သွားပြီး ဖိလိတိလူ ၂၀၀ ကို သတ်ခဲ့တယ်။ ပြီးတော့ ဘုရင့်သမက် ဖြစ်နိုင်ဖို့ ဖိလိတိလူတွေရဲ့ အရေဖျား ၂၀၀ ကို မင်းကြီးဆီ ဆက်သတယ်။ ဒါကြောင့် ရှောလုက သမီးမိခါလကို ဒါဝိဒ်နဲ့ ပေးစားလိုက်ရတယ်။+ ၂၈ ယေဟောဝါက ဒါဝိဒ်နဲ့အတူရှိပြီး+ သမီးမိခါလကလည်း ဒါဝိဒ်ကို ချစ်မှန်း ရှောလုသိလာတယ်။+ ၂၉ ဒါကြောင့် ဒါဝိဒ်ကို ပိုလို့တောင် ကြောက်လာပြီး ရန်သူအဖြစ် တစ်သက်လုံး သတ်မှတ်လိုက်တယ်။+
၃၀ ဖိလိတိတပ်မှူးတွေက အစ္စရေးတွေကို လာရောက် တိုက်ခိုက်ကြတယ်။ တိုက်ပွဲတိုင်းမှာ ဒါဝိဒ်က ရှောလုရဲ့ မင်းမှုထမ်းအားလုံးထက် ပိုအောင်မြင်တဲ့အတွက်+ နာမည်ကျော်ကြားလာတယ်။+