ပညာအလိမ္မာ
၂၃ ဘုရင်နဲ့အတူထိုင်ပြီး စားသောက်တဲ့အခါ
အခြေအနေကို အသေအချာ သုံးသပ်ပါ။
၃ သူ့ရဲ့ စားကောင်းသောက်ဖွယ်တွေကို မမက်မောနဲ့။
အဲဒီအစာတွေကြောင့် လှည့်စားခံနေရဦးမယ်။
၄ စည်းစိမ်ဥစ္စာရဖို့ ရေကုန်ရေခန်း မကြိုးစားနဲ့။+
ရပ်တန်းကရပ်ပြီး သိနားလည်မှုရှိကြောင်း ပြပါ။
၅ စည်းစိမ်ဥစ္စာတွေဟာ မျက်စိ တစ်မှိတ်အတွင်းမှာ ပျောက်သွားတတ်တယ်။+
လင်းယုန်လို အတောင်တွေပေါက်ပြီး ကောင်းကင်ကို ပျံသွားလိမ့်မယ်။+
၆ ကပ်စေးနှဲသူရဲ့အစာကို မစားပါနဲ့။
သူ့ရဲ့ စားကောင်းသောက်ဖွယ်တွေကို မမက်မောနဲ့။
၇ သူက စာရင်းမှတ်တဲ့လူနဲ့ တူတယ်။
“စားပါ၊ သောက်ပါ” လို့ ပြောနေပေမဲ့ တကယ်ပြောနေတာ မဟုတ်ဘူး။
၈ ကိုယ်စားလိုက်တဲ့အစာတွေကို ပြန်အန်ထုတ်ရလိမ့်မယ်။
ကိုယ်ချီးမွမ်းတာတွေလည်း အလကားဖြစ်လိမ့်မယ်။
၉ လူမိုက်ကို စကားသွားမပြောနဲ့။+
ကိုယ်ရဲ့ဉာဏ်ပညာစကားတွေကို အထင်သေးလိမ့်မယ်။+
၁၀ ရှေးကတည်းကချခဲ့တဲ့ နယ်နိမိတ်မှတ်တိုင်ကို မရွှေ့နဲ့။+
ဖတဆိုးတွေရဲ့ လယ်မြေကို မကျူးကျော်နဲ့။
၁၁ သူတို့ကို ခုခံကာကွယ်ပေးတဲ့ အရှင်ဟာ ခွန်အားကြီးတယ်။
သူတို့ဘက်ကနေ ရပ်တည်ပြီး အမှုကို ကိုင်တွယ်ပေးလိမ့်မယ်။+
၁၂ ဆုံးမစကားကို နှလုံးသွင်းပါ။
ဉာဏ်ပညာစကားတွေကို နားထောင်ပါ။
ကြိမ်လုံးနဲ့ရိုက်လို့ သူသေမှာ မဟုတ်ဘူး။
၁၄ သူ့ကို သင်္ချိုင်းကနေ ကယ်တင်နိုင်ဖို့
ကြိမ်လုံးနဲ့ ဆုံးမပါ။
၁၆ မင်း မှန်ရာကိုပြောတဲ့အခါ
ငါ့ရင်ထဲ သိပ်ကြည်နူးတာပဲ။
၁၇ အပြစ်လုပ်သူတွေကို မင်းစိတ်ထဲမှာ အားမကျနဲ့။+
ယေဟောဝါကိုသာ အမြဲကြောက်ရွံ့ရိုသေပါ။+
၁၈ ဒါမှ မင်းမှာ အနာဂတ်ရှိမယ်။+
မင်းရဲ့မျှော်လင့်ချက်လည်း ပျက်စီးသွားမှာ မဟုတ်ဘူး။
၁၉ ငါ့သား၊ ငါ့စကားကို နားထောင်ပါ။ ဉာဏ်ပညာရှိပါ။
မင်းရဲ့စိတ်ကို လမ်းမှန်အတိုင်း လမ်းညွှန်ပေးပါ။
၂၁ အရက်သမားတွေ၊ စားကြူးသူတွေဟာ ဆင်းရဲသွားလိမ့်မယ်။+
ငိုက်မျဉ်းနေသူတွေဟာ အဝတ်စုတ်ပဲ ဝတ်ရလိမ့်မယ်။
၂၂ မင်းကိုမွေးဖွားစေတဲ့ ဖခင်ရဲ့စကားကို နားထောင်ပါ။
မိခင်ကို အသက်ကြီးသွားလို့ဆိုပြီး မထီလေးစား မလုပ်နဲ့။+
၂၃ အမှန်တရားကို ဝယ်ပါ။ ဘယ်တော့မှ မရောင်းနဲ့။+
ဉာဏ်ပညာ၊ ဆုံးမမှု၊ သိနားလည်မှုကိုလည်း ဝယ်ပါ။ မရောင်းနဲ့။+
၂၄ ဖြောင့်မတ်သူရဲ့ဖခင်ဟာ တကယ်ရွှင်လန်းရလိမ့်မယ်။
ဉာဏ်ပညာရှိတဲ့သားကြောင့် ဖခင်ဝမ်းမြောက်ရလိမ့်မယ်။
၂၅ မင်းရဲ့မိဘတွေ ဝမ်းသာရလိမ့်မယ်။
မွေးမိခင်လည်း ပျော်ရွှင်ရလိမ့်မယ်။
၂၆ ငါ့သား၊ မင်းရဲ့စိတ်နှလုံးကို ငါ့ဆီ အပ်နှင်းလိုက်ပါ။
ငါ့ရဲ့လမ်းစဉ်တွေကို မင်း နှစ်သက်နိုင်ပါစေ။+
၂၇ ပြည့်တန်ဆာဟာ နက်ရှိုင်းတဲ့တွင်းပဲ။
မိန်းမပျက်ဟာ* ကျဉ်းမြောင်းတဲ့ရေတွင်းပဲ။+
၂၈ သူက ဓားပြလို ချောင်းမြောင်းနေတတ်တယ်။+
သူ့ကြောင့် သစ္စာမဲ့တဲ့ယောက်ျားတွေ တိုးများလာတယ်။
၂၉ ကြေကွဲနေတာ ဘယ်သူလဲ။ စိတ်ဆင်းရဲနေတာ ဘယ်သူလဲ။
ငြင်းခုံရန်တွေ့နေတာ ဘယ်သူလဲ။ မကျေမနပ်ညည်းညူနေတာ ဘယ်သူလဲ။
အလကားနေရင်း ဒဏ်ရာရနေတာ ဘယ်သူလဲ။ မျက်လုံးရီဝေနေတာ ဘယ်သူလဲ။
၃၁ ခွက်ထဲမှာ အရောင်တောက်နေတဲ့၊ လည်ချောင်းထဲ လျှောဆင်းသွားတတ်တဲ့
အနီရောင်စပျစ်ဝိုင်ကို မကြည့်နဲ့။
၃၂ နောက်ပိုင်းမှာ စပျစ်ဝိုင်ဟာ မြွေလို ပေါက်တတ်တယ်။
မြွေပွေးလို အဆိပ်တွေ ထုတ်တတ်တယ်။
၃၃ မင်းက ထူးထူးဆန်းဆန်းတွေ မြင်လိမ့်မယ်။
မတော်လျော်တဲ့ အတွေးတွေကို ထုတ်ပြောလိမ့်မယ်။+
၃၄ ပင်လယ်ပြင်အလယ်မှာ အိပ်နေသူလို၊
ရွက်တိုင်ထိပ်မှာ အိပ်နေသူလို ဖြစ်လိမ့်မယ်။
၃၅ “သူတို့ ထိုးပေမဲ့ ငါမနာဘူး။
သူတို့ ရိုက်ပေမဲ့ ငါမသိဘူး။
နောက်တစ်ခွက်သောက်ရဖို့
ဘယ်တော့များမှ ငါနိုးလာမှာလဲ” လို့ မင်းပြောလိမ့်မယ်။+