ကောင်းကင်ရှင်ဘုရင်တစ်ပါး ကမ္ဘာမြေကြီးကို ကောင်းချီးပေး

၄၁ ကောင်းကင်တွင် ယေရှုကို ယေဟောဝါ မင်းမြှောက်သည်။ —ဟေရှာယ ၉:၆; ဒံယေလ ၇:၁၃၊ ၁၄; တမန်တော် ၂:၃၂-၃၆

၄၂ တစ်ကမ္ဘာလုံးကို သူအုပ်ချုပ်သွားမည်။ —ဒံယေလ ၇:၁၄; မဿဲ ၂၈:၁၈

၄၃ လူဆိုးတို့ ဘာဖြစ်ကုန်မည်အကြောင်း သင်သတိရပါသလော။ —ဆာလံ ၃၇:၉၊ ၁၀; လုကာ ၁၃:၅

၄၄ ပထမဦးဆုံးအပြစ်ပြုလုပ်သည့် ကောင်းကင်တမန်၏အမည်ကို သင်မှတ်မိသလော။ သူနှင့် အခြားကောင်းကင်တမန်ဆိုးတို့ကို ယေရှုပယ်ရှားပစ်မည်။ သူတို့၏ ရုပ်တုများလည်း ဖျက်ဆီးခံရမည်။ —ဟေဗြဲ ၂:၁၄; ဗျာဒိတ် ၂၀:၂၊ ၁၀

၄၅ နာခံသူတို့အတွက် ယေရှုကောင်းကျိုးများစွာ သယ်ပိုးပေးမည်။ —ဟေဗြဲ ၅:၉

၄၆ မည်သူမျှ ဖျားမည် မဟုတ်တော့။ —ဟေရှာယ ၃၃:၂၄; ဗျာဒိတ် ၂၂:၁၊ ၂

လူမမာတို့ကို ယေရှု မည်သို့ ကုသပေးခဲ့ကြောင်း သင်အမှတ်ရသလော။

၄၇ လူတိုင်းလူတိုင်း ကောင်းသောအရာများ ပိုင်ကြမည်။—ဟေရှာယ ၆၅:၁၇၊ ၂၁-၂၃

၄၈ ကွယ်လွန်သူများကိုပင် ယေဟောဝါသတိရသည်။ သူတို့ ပြန်ရှင်လာဖို့ ယေရှုကို ကိုယ်တော်သုံးမည်။ ယင်းကို ရှင်ပြန်ထမြောက်ခြင်းဟု ခေါ်သည်။—ယောဟန် ၅:၂၈၊ ၂၉; ၁၁:၂၅

၄၉ လူဆိုးအားလုံးကို သေစေပြီးနောက် မည်သူမျှ သေတော့မည်မဟုတ်။ သားရဲတိရစ္ဆာန်များပင် အန္တရာယ်ပေးတော့မည်မဟုတ်။ လူတိုင်းလူတိုင်း အမြဲတမ်း ပျော်ကြတော့မည်။ —ဗျာဒိတ် ၂၁:၄။ ဟေရှာယ ၆၅:၂၅; ဆာလံ ၃၇:၁၁၊ ၂၉