ဘုရားဝတ်၌မွေ့လျော်ခြင်းကို ပန်းတိုင်ထားပြီး ကိုယ့်ကိုယ်ကိုလေ့ကျင့်ပေးခြင်း

^၁ သီအိုကရက်ဓမ္မအမှုကျောင်းသည် ‘သမ္မာတရားကို ကျွန်ုပ်တို့ မှန်ကန်စွာပိုင်းခြားတတ်ရန်’ တဖြည်းဖြည်းလေ့ကျင့်ပေးပါသည်။ (၂ တိ၊ ၂:၁၅) သင်နာမည်စာရင်းသွင်းထားပြီလော။ မသွင်းရသေး၍ သွင်းနိုင်ခွင့်ရှိမည်ဆိုလျှင် ဤကောင်းမြတ်သောပြင်ဆင်ချက်မှ အကျိုးရယူရန် ယခုပင်နာမည်သွင်းပါလေ။

^၂ ကျောင်း၏ အရေးကြီးကဏ္ဍတစ်ခုမှာ ပတ်စဉ်ကျမ်းစာဖတ်ရှုခြင်းအစီအစဉ်ဖြစ်ပါသည်။ အချိန်တန်လျှင် ကျမ်းစာတစ်အုပ်လုံးကို ဖတ်ပြီးသားဖြစ်စေရန် သင့်ကိုယ်ပိုင်လေ့လာမှုအစီအစဉ်တွင် ခွဲဝေချမှတ်ထားသည့် ကျမ်းစာအခန်းကြီးများကို ဖတ်ရှုခြင်းပါဝင်သင့်သည်။

^၃ ၁၉၉၃ ကျောင်းအစီအစဉ် အစကတည်းက ဟောပြောချက် နံပါတ်၂ တာဝန်ယူမည့် ကျမ်းစာဖတ်ရှုခြင်းအပိုင်းကို ကြားညှပ်ဖြတ်တောက်မှုမရှိ ဆက်တိုက်ဖတ်ရှုရပေမည်။ ဆိုလိုသည်ကား ဤဟောပြောချက်ကိုတာဝန်ယူသူသည် နိဒါန်းနှင့် နိဂုံးချုပ်၌သာ ရှင်းလင်းပြောဆိုချက်များပြုလုပ်မည်ဖြစ်သည်။ ကျမ်းစာပေါ်လွင်ချက်များကို တာဝန်ယူသောညီအစ်ကိုသည် ဟောပြောချက်နံပါတ် ၂ တာဝန်ကျသူဖတ်မည့် ကျမ်းပိုဒ်များကို ချန်လှပ်ပေးမည်ဆိုလျှင် ကျမ်းစာဖတ်ရှုချိန်တွင် ဟောပြောသူသည် အပြည့်အစုံတင်ပြပြောဆိုခွင့်ရရှိစေမည်။

^၄ ကျောင်းကြီးကြပ်မှူးသည် ဟောပြောချက် နံပါတ် ၂၊ ၃၊ ၄ တာဝန်ကျသူများ၏ စကားပြောသွန်သင်ချက်စာရွက်တွင် မှတ်ချက်ချပေးပါမည်။ သွန်သင်ချက်စာရွက်ပါ အစီအစဉ်အတိုင်းလိုက်ရန်မလိုဘဲ ကျောင်းသားတိုးတက်ရန်လိုသည့် အချက်များအတွက် အကြံပေးပါမည်။ ဟောပြောချက်နံပါတ် ၁ တာဝန်ကျသူ၏ သွန်သင်ချက်စာရွက်ကို မှတ်သားပေးရန်မလိုသော်လည်း လိုအပ်မည်ဆိုလျှင် နှစ်ကိုယ်ကြား အကြံပေးနိုင်ပါသည်။

^၅ စာရင်းသွင်းခွင့်ရှိသူအားလုံးသည် သီအိုကရက်တစ်ဓမ္မအမှုကျောင်းမှ ရရှိသောလေ့ကျင့်မှုအပါအဝင် ယေဟောဝါ၏ ဝိညာဏပြင်ဆင်ချက်များအားလုံးမှ အကျိုးအပြည့်အဝရရှိရန် အခွင့်အရေးယူသင့်သည်။ ဤသို့သောလေ့ကျင့်မှုသည် တိုးတက်ကြီးပွားသောဓမ္မအမှုသို့ ဦးတည်ပို့ဆောင်ပေးပါလိမ့်မည်။​—၁ တိ၊ ၄:၇။