သင့်ကို ဘုရား ဂရုစိုက်

ဒါ့အပြင် ကျွန်တော်တို့ရဲ့ အတွေး၊ ခံစားချက်တွေကို ဘယ်သူ့ထက်မဆို ယေဟောဝါဘုရားa နားလည်တယ်၊ ကြုံတွေ့နေရတဲ့ ဘယ်ပြဿနာကိုမဆို ကူညီဖြေရှင်းပေးချင်တယ်လို့ ကျမ်းစာမှာ ဖော်ပြထားတယ်။ နှစ်သိမ့်မှု ဖြစ်စေတဲ့ ကျမ်းပိုဒ် နှစ်ပိုဒ်ကို သုံးသပ်ကြည့်ပါ။

“ယေဟောဝါဟာ စိတ်ကြေကွဲနေသူတွေရဲ့ အနီးအပါးမှာ ရှိတယ်။ စိတ်ထောင်းကိုယ်ကြေ ဖြစ်နေသူတွေကို ကယ်တင်တယ်။”—ဆာလံ ၃၄:၁၈။

“မင်းရဲ့ဘုရား ယေဟောဝါဟာ မင်းရဲ့ ညာလက်ကို ဆုပ်ကိုင်ပြီး ‘မကြောက်နဲ့။ ငါ ကူညီမယ်’ လို့ ပြောတဲ့အရှင်ပဲ။”—ဟေရှာယ ၄၁:၁၃။

စိတ်ကျန်းမာရေး ပြဿနာတွေကို ဖြေရှင်းဖို့ ယေဟောဝါ ဘယ်လို ကူညီပေးသလဲ၊ ကျွန်တော်တို့ကို အမှန်တကယ် ဂရုစိုက်ကြောင်း နည်းအမျိုးမျိုးနဲ့ ဘယ်လို ဖော်ပြသလဲဆိုတာ နောက်ဆောင်းပါးတွေမှာ သိရပါမယ်။