လျှို့ဝှက်အဖွဲ့များ

လျှို့ဝှက်အဖွဲ့တွေက အနောက်အာဖရိကတစ်ကြောမှာ ရှိကြပြီး အဲဒီအဖွဲ့တွေထဲမှာ လူမျိုး၊ ယဉ်ကျေးမှုနဲ့ ဘာသာစကားမတူတဲ့သူတွေ ပါဝင်ကြတယ်။ အဲဒီအဖွဲ့အစည်းတွေဟာ လူမှုရေး၊ ပညာရေးနဲ့ နိုင်ငံရေးလှုပ်ရှားမှုတွေမှာပါဝင်တဲ့ သူတို့ရဲ့အဖွဲ့ဝင်တွေကို ထိန်းချုပ်တတ်တယ်။ ဒါပေမဲ့ သူတို့ အဓိကလုပ်ဆောင်တာက ဘာသာရေးဖြစ်တယ်။ အကြီးဆုံး လျှို့ဝှက်အဖွဲ့နှစ်ဖွဲ့ကတော့ ပိုရို (အမျိုးသား) နဲ့ ဆန်ဒီ (အမျိုးသမီး) ဖြစ်တယ်။a ဥပမာအနေနဲ့ ပိုရိုအဖွဲ့က “နတ်ဆိုးတွေကို ထိန်းချုပ်ဖို့ကြိုးစားပြီး နတ်ဆိုးတွေက လူ့အရေးကိစ္စမှာ ကြားဝင်လုပ်ဆောင်ပေးတာ အကျိုးရှိတယ်လို့ ပြောကြတယ်။”—ဇာတ်သွင်းခြင်း၊ ၁၉၈၆။

ပိုရိုအဖွဲ့ဝင်သစ်တွေကို နတ်ဆိုးပညာနဲ့ မှော်တန်ခိုးတွေအကြောင်း သင်ပေးတယ်၊ သူတို့ရဲ့ခန္ဓာကိုယ်ပေါ်မှာ အမှတ်အသားတွေ လုပ်ပေးတယ်။ ဆန်ဒီအဖွဲ့ဝင်သစ်တွေလည်း နတ်ဆိုးပညာတွေ သင်ရပြီး ထုံးစံအရ အမျိုးသမီးအရေဖျားလှီးခြင်းကို ခံရတယ်၊ တချို့နေရာတွေမှာတော့ အဲဒီလို မလုပ်ကြတော့ဘူး။

တချို့လျှို့ဝှက်အဖွဲ့တွေမှာတော့ လိင်အကျင့်ယိုယွင်းကြပြီး စိတ်မနှံ့တာတွေ ဒါမှမဟုတ် ရောဂါတွေကို နတ်ဆိုးပညာတွေနဲ့ ကုသကြတယ်။ ဆီအဲရာလီယွန်နိုင်ငံရဲ့ ပြည်တွင်းစစ်အတွင်းမှာ လျှို့ဝှက်အဖွဲ့တစ်ဖွဲ့က သူတို့အဖွဲ့ဝင်တွေက သေနတ်ပြီးတယ်လို့ အခိုင်အမာပြောခဲ့ပေမဲ့ တကယ်တော့ မဟုတ်ပါဘူး။

အဖွဲ့ဝင်တွေဟာ သူတို့ရဲ့ပညာတွေ၊ အဖွဲ့ရဲ့စည်းကမ်းတွေကို အဖွဲ့ဝင်မဟုတ်တဲ့သူတွေကို ပြောပြလို့မရဘူး။ လူတစ်ယောက်က အဖွဲ့ရဲ့စည်းကမ်းနဲ့ ကျင့်ဝတ်တွေကို ချိုးဖောက်တယ်ဆိုရင် အသတ်ခံရမှာဖြစ်တယ်။