ဘာသာရေးလွတ်လပ်မှုကို သင်လေးမြတ်သလော

အက်စ်တိုးနီးယားမှ နိုးလော့!သတင်းထောက် ပေးပို့သည်

ပါနူမြို့သည် ယခင်ဆိုဗီယက်ပြည်ထောင်စုသမ္မတနိုင်ငံ အက်စ်တိုးနီးယား၏ သေးငယ်သောဘောလ်တစ်ပြည်နယ်မှ အားလပ်ရက်အနားယူရာ ဆိပ်ကမ်းမြို့တစ်မြို့ဖြစ်သည်။ လူဦးရေ ၅၀,၀၀၀ ကျော်ရှိသည်။ ယခုအခါ လူတို့သည် သူတို့ရွေးချယ်သည့်ဘာသာတရားကို လိုက်စားနိုင်သည့်လွတ်လပ်မှု—လွန်ခဲ့သောနှစ်အနည်းငယ်က မရရှိခဲ့သည့်လွတ်လပ်မှု၌ မွေ့လျော်နေကြသည်။ ၁၉၉၅ ခုနှစ်၊ ဇွန် ၁၇ ရက်၌ ပါနူလက် သတင်းစာက ပါနူမြို့တွင် ဘာသာပေါင်း ၁၁ ဘာသာရှိပြီး ယင်းဘာသာများနှင့်ပတ်သတ်၍ ဆောင်းပါးတွဲများထုတ်ဝေရန် စီစဉ်ထားကြောင်း ရေးသားခဲ့သည်။

ပထမဆောင်းပါးက “သူတို့၏ဆောင်ရွက်မှုသည် ကျွန်ုပ်တို့အားလုံးကို အကျိုးသက်ရောက်ကြောင်းသိသာသော၊ ယမကာစက်ရုံ၏ခန်းမတစ်ခုထဲတွင် ယခု သူတို့၏အစည်းအဝေးများကို ကျင်းပနေကြသည့်—ယေဟောဝါသက်သေများ—အသင်းတော်အကြောင်းဖြင့် ကျွန်ုပ်တို့ စတင်ပါသည်။ . . . ၁၉၃၁ ခုနှစ်တွင် ကျမ်းစာကျောင်းသားများက သူတို့ကိုယ်ကို ယေဟောဝါသက်သေများဟု စခေါ်ခဲ့ပြီး ယနေ့တိုင်အောင် ထိုအမည်တွင်လျက်ရှိသည်။ ကမ္ဘာတစ်ဝန်းတွင် ယေဟောဝါသက်သေ ၅ သန်းကျော်ရှိသည်။ အက်စ်တိုးနီးယားတွင် ယေဟောဝါသက်သေများ၏ဌာနချုပ်သည် တာလင်မြို့၌ တည်ရှိသည်” ဟုဖော်ပြခဲ့သည်။

ဆောင်းပါးက ဆက်လက်ပြီး– “ယေဟောဝါ့ကြွေးကြော်သူများ၏ အသင်းတော်ကို လွန်ခဲ့သော တစ်နှစ်ခွဲက ပါနူမြို့၌ တည်ထောင်ခဲ့သည်။ အဖွဲ့ဝင် ၂၅ ယောက်နှင့်စခဲ့ပြီး ယခု အယောက် ၁၂၀ ထိတိုးတက်လာသည်။ . . .

“ပထမဆုံး မြင်ကွင်းကား အလွန်ကောင်းလှသည်။ လူတို့သည်—အများအားဖြင့် ငယ်ရွယ်သောဇနီးမောင်နှံများ—ဖော်ရွေမှု၊ သေသပ်သောဝတ်စားဆင်ယင်မှု၊ ပွင့်လင်းမှုတို့ရှိကြသည်။ အံ့အားသင့်စေသောအရာမှာ ကလေးများ၏စည်းကမ်းသေဝပ်မှုဖြစ်သည်၊ အကြောင်းမှာ တစ်နာရီခွဲအတွင်း တစ်နေရာထဲ ငြိမ်သက်စွာထိုင်ခြင်းသည် ကလေးငယ်အတွက် မလွယ်ကူပေ—သို့သော် သူတို့ထိုင်ကြသည်။”

ယေဟောဝါသက်သေတို့သည် အခြားဘာသာများနှင့် မည်သို့ကွာခြားကြောင်း သတင်းစာက ဤသို့ရှင်းလင်းဖော်ပြသည်– “သူတို့သည် ရှေ့တွင်ရှိပရဒိသုကို အလေးပေးဖော်ပြသည်။ အသင်းတော်သည် ကျမ်းစာမည်မျှတတ်ကျွမ်းကြောင်း ကျော်ကြားသည်၊ သူတို့သည် ဖြစ်နိုင်သည့်အခါတိုင်း၌ ကျမ်းစာကို ကိုးကားပြသည်။” ဆောင်းပါးနိဂုံးချုပ်တွင် ဤသို့ပြောသည်– “ယေဟောဝါ၏ကြွေးကြော်သူ အယောက် ၁၂၀ တို့သည် ဆုံးဖြတ်ချက်ချထားကြပြီး ထိုဆုံးဖြတ်ချက်သည် မှန်ကန်သည်ဟု အခိုင်အမာယုံကြည်ကြသည်။ သူတို့၏ ယုံကြည်ခြင်းနှင့်ကြွေးကြော်ခြင်းသည် သူတို့ဘဝ၏အာရုံစိုက်ရာဖြစ်သည်။”

ပါနူမြို့ရှိဘာသာတရားများအကြောင်းဖော်ပြရန် အဆိုပြုထားသောဆောင်းပါးတွဲမှ ဤပထမဆုံးဆောင်းပါးနှင့်ပတ်သတ်၍ ပါနူမြို့ရှိသူတိုင်း ကျေနပ်ကြသည်မဟုတ်။ ၁၉၉၅ ခုနှစ်၊ ဇူလိုင် ၈ ရက်၌ ပါနူလက်က ဤသို့ပြောသည်– “ကော်လံသစ် စခြင်းနှင့်စပ်လျဉ်း၍ ချာ့ချ်လေးခုမှ ရရှိခဲ့သောတောင်းပန်လွှာတစ်စောင်ကို ထုတ်ဝေရန် ကျွန်ုပ်တို့ဆန္ဒရှိပါသည်။”

ဤဘာသာလေးခု၏ကိုယ်စားလှယ်များက ဤသို့ပြောကြသည်– “ဆောင်းပါးတွဲကို ယေဟောဝါသက်သေများအကြောင်းနှင့် သင်တို့စခဲ့ခြင်းက ကျွန်ုပ်တို့အတွက် အလွန်ထူးဆန်းစေသည်။” ထို့အပြင် သူတို့ကဤသို့ပြောသည်– “ဤဆောင်းပါးတွဲနှင့်ပတ်သတ်၍ ပါနူလက် ၏လူတွေ့မေးမြန်းမှုပြုခြင်းကို လက်ခံနိုင်ရန်မဖြစ်နိုင်ဟု ကျွန်ုပ်တို့ယူဆကြောင်း ဖော်ပြလိုပါသည်။”

ဘာသာရေးကိုယ်စားလှယ်များက– “‘ဝိညာဏရေးရာ’ ကိုဝါဒဖြန့်သည့် အမျိုးမျိုးသော ဘာသာရေးဂိုဏ်းဂဏသစ်များ၏ အတင်းအကြပ်ဖိအားပေးခံရသောကြောင့် ခေါင်းရှုပ်နေရသူများအသိုင်းအဝိုင်းတွင် စာပေများသည် ဒေသန္တရဘာသာရေးအခြေအနေကို ထည့်သွင်းစဉ်းစားကာ သမိုင်းဝင်ချာ့ချ်များကို ဂိုဏ်းဂဏများ၊ အစွန်းရောက်လှုပ်ရှားမှုများနှင့် ခွဲခြားသိရှိနိုင်ရန်လိုသည်ဟု ကျွန်ုပ်တို့ယူဆသည်။ အသင်းတော်များ ပူးပေါင်းဆောင်ရွက်ခြင်းကို မွေ့လျော်သည့်ခရစ်ယာန်ချာ့ချ်များကို ကိုယ်စားပြုသော အက်စ်တိုးနီးယားချာ့ချ်များကောင်စီ၏အဖွဲ့ဝင်များက ဤကိစ္စနှင့်ပတ်သတ်၍ ရှင်းလင်းသောလမ်းညွှန်မှု ပေးသင့်သည်” ဟုနိဂုံးချုပ်ခဲ့သည်။

သို့သော်လည်း ယင်းစာကိုဖော်ပြပြီးနောက် ပါနူလက် သတင်းရေးသူက ဤသို့ချင့်ချင့်ချိန်ချိန်ရှိသော ထင်မြင်ယူဆချက်များကိုပေးခဲ့သည်– “မှန်သည်ဟု ကျွန်ုပ်တို့ယူဆသောအရာအားလုံး မှန်ချင်မှမှန်မည်။ အမျိုးမျိုးသော အသင်းတော်များနှင့်ပတ်သက်ပြီး ဘုရားရှင်၏ ရှုထောင့်နှင့်ယူဆချက်က ဤဂုဏ်အသရေရှိချာ့ချ်လေးခု၏ ရှုထောင့်များနှင့်မတူနိုင်ဘဲ ဆန့်ကျင်ဘက်သာဖြစ်မည်။ မမှားသောသူတစ်ယောက်မျှမရှိ၊ ရှေးရာစုနှစ်များစွာက ထုံးတမ်းစဉ်လာများရှိ ချာ့ချ်များပင်လျှင် မှားနိုင်သည်။”

ဘာသာတရားအပေါ် ယခင်ဆိုဗီယက်ပြည်ထောင်စုသမ္မတနိုင်ငံ၏ ပြောင်းလဲလာသော သဘောထားနှင့်ပတ်သက်၍ သင်မည်သို့ခံစားရသနည်း။ နေရာတိုင်းရှိ သမ္မာတရားရှာဖွေသူများသည် ထိုတွင်ခံစားရသည့် ဘာသာရေးလွတ်လပ်မှုကို လေးမြတ်ကြကြောင်း ကျွန်ုပ်တို့ ယုံကြည်စိတ်ချသည်။

[စာမျက်နှာ ၁၉ ပါ မြေပုံ]

(ကားချပ်အပြည့်အစုံကို စာစောင်တွင်ကြည့်ပါ)

ဖင်လန်

ဟဲလ်ဆင်းကီ

ဘောလ်တစ် ပင်လယ်

အက်စ်တိုးနီးယား

တာလင်

ပါနူ

လက်ဗီးယား

ရီဂါ

လစ်သူယေးနီးယား

ဗီလ်နီအပ်စ်

ရုရှား

စိန့် ပီတာစဘာ့ဂ်

မော်စကို

ဘယ်လာရုစ်

မင်းစ်ခ်

[စာမျက်နှာ ၂၀ ပါ ရုပ်ပုံ]

ပါနူရှိယေဟောဝါသက်သေများ၏အသင်းတော်