မရိုးသားမှု နေရာအနှံ့ပျံ့နှံ့နေ

ဒယ်နီa က ဟောင်ကောင်မှာရှိတဲ့ ကုမ္ပဏီကြီးတစ်ခုမှာ အလုပ်လုပ်တယ်။ တွဲအလုပ်လုပ်ဖို့ အလားအလာရှိတဲ့ စက်ရုံကိုသွားလည်ပတ်ချိန်မှာ သူတို့ကုမ္ပဏီလိုချင်တဲ့ အရည်အသွေးကို အဲဒီစက်ရုံကထုတ်လုပ်ပေးနိုင်ပါ့မလားဆိုတာကို သူစိုးရိမ်မိကြောင်း ပြောဖြစ်ခဲ့တယ်။ အဲဒီနောက် ညစာစားချိန်မှာ စက်ရုံမန်နေဂျာက ဒယ်နီကို စာအိတ်တစ်အိတ်ပေးတယ်။ စာအိတ်ထဲမှာ သူ့ရဲ့ တစ်နှစ်စာဝင်ငွေနဲ့ညီမျှတဲ့ ဒေါ်လာသောင်းဂဏန်းကို လာဘ်ထိုးတဲ့အနေနဲ့ထည့်ပေးထားတယ်။

● ဒယ်နီရဲ့အဖြစ်က အဆန်းမဟုတ်ပါဘူး။ ကမ္ဘာတစ်ဝန်းမှာ မရိုးသားမှုက အံ့ဩစရာကောင်းလောက်အောင် ပျံ့နှံ့လာတယ်။ ဥပမာ၊ တရားရုံးမှတ်တမ်းတွေအရ ၂၀၀၁ နဲ့ ၂၀၀၇ ခုနှစ်အကြားမှာ ဂျာမန်က စီးပွားရေးလုပ်ငန်းကြီးတစ်ခုဟာ လုပ်ငန်းဖြစ်မြောက်ဖို့အတွက် ဒေါ်လာ ၁.၄ ဘီလီယံ လာဘ်ထိုးခဲ့တယ်လို့ ဖော်ပြထားတယ်။

မကြာသေးမီက ဟိုးလေးတကျော်ဖြစ်ခဲ့တဲ့ လာဘ်စားမှုတွေကြောင့် ပြုပြင်ပြောင်းလဲမှုတချို့ လုပ်ခဲ့ကြပါတယ်။ ဒါပေမဲ့ ကမ္ဘာတစ်ဝန်းလုံးမှာ အခြေအနေက ပိုပိုပြီးဆိုးလာနေတယ်။ အပြည်ပြည်ဆိုင်ရာလာဘ်ပေးလာဘ်ယူတိုက်ဖျက်ရေးအဖွဲ့က ၂၀၁၀ ပြည့်နှစ်မှာ လေ့လာမှုတစ်ခုလုပ်ခဲ့ပြီး ကမ္ဘာတစ်ဝန်းမှာ “လွန်ခဲ့တဲ့ သုံးနှစ်အတွင်း လာဘ်စားမှု ပိုတိုးများလာတယ်” ဆိုတာ တွေ့ရှိခဲ့ကြတယ်။

မရိုးသားမှုက ဘာကြောင့် ဒီလောက်ပျံ့နှံ့နေရတာလဲ။ ရိုးသားမှုက အကျိုးရှိသလား။ ရှိတယ်ဆိုရင် ဘယ်လိုနည်းနဲ့လဲ။ ကျွန်ုပ်တို့ကို သမ္မာကျမ်းစာက ကူညီပေးနိုင်သလား။

[အောက်ခြေမှတ်ချက်]