၂။ ဆင်းရဲဒုက္ခတွေဟာ လူတွေကြောင့်လား
အဲဒီအချက်ကို ဘာကြောင့် သိဖို့ လိုသလဲ
ဆင်းရဲဒုက္ခတွေဟာ တကယ်ပဲ လူတွေကြောင့်ဆိုရင် လူတွေ ဖြေရှင်းနိုင်ရမယ်။
စဉ်းစားကြည့်ပါ
အောက်ပါ အကြောင်းရင်းတွေမှာ လူသားတွေ ဘယ်လောက် တာဝန်ရှိသလဲ။
မတရားနှိပ်စက်ခြင်း။
ကမ္ဘာ့ကျန်းမာရေး အဖွဲ့ (WHO) ရဲ့ ခန့်မှန်းချက်အရ အရွယ်ရောက်ပြီးသူ ၄ ယောက်မှာ ၁ ယောက်ဟာ ကလေးဘဝမှာ ကိုယ်ထိလက်ရောက် မတရား နှိပ်စက်ခံရတယ်။ အမျိုးသမီး ၃ ယောက်မှာ ၁ ယောက်ဟာ ကာယပိုင်းဖြစ်စေ၊ လိင်ပိုင်းဖြစ်စေ မတရား စော်ကားခံနေရတယ်။
ဝမ်းနည်းပူဆွေးမှု။
“၂၀၁၆ မှာ ကမ္ဘာတစ်ဝန်း လူသတ်မှု ၄၇၇,၀၀၀ ခန့် ရှိခဲ့တယ်” လို့ WHO က ထုတ်တဲ့ ၂၀၁၈ ကမ္ဘာ့ကျန်းမာရေး စစ်တမ်း မှာ ဖော်ပြတယ်။ ဒါတောင် အဲဒီနှစ်အတွင်း စစ်ပွဲတွေမှာ သေဆုံးတဲ့ အရေအတွက် ၁၈၀,၀၀၀ မပါသေးဘူး။
ကျန်းမာရေး ပြဿနာ။
မဂ္ဂဇင်းတစ်စောင် (National Geographic) မှာ စာရေးဆရာ ဖရန်စမစ်က “လူသန်းတစ်ထောင်ကျော် ဆေးလိပ်သောက်ကြတယ်။ နှလုံးရောဂါ၊ လေဖြတ်တာ၊ အသက်ရှူလမ်းကြောင်း ရောဂါ၊ နာတာရှည် အဆုတ်ရောဂါနဲ့ အဆုတ်ကင်ဆာစတဲ့ သေဆုံးမှု အများဆုံး ရောဂါ ငါးခုဟာ ဆေးလိပ်ကြောင့် ဖြစ်တယ်” လို့ ဖော်ပြတယ်။
အဆင့်အတန်း ခွဲခြားမှု။
“ဆင်းရဲမွဲတေမှု၊ အဆင့်အတန်း ကွာဟမှု၊ လူမျိုးရေးနဲ့ ကျားမ ခွဲခြားဆက်ဆံမှု၊ ရွှေ့ပြောင်းခံရမှု၊ အပြိုင်အဆိုင်များတဲ့ ဝန်းကျင်တွေကြောင့် စိတ်ပိုင်းဆိုင်ရာ ဝေဒနာတွေ ခံစားကြရတယ်” လို့ စိတ်ပညာရှင် ဂျေဝပ် ပြောတယ်။
ထပ်သိချင်ရင်
ကမ္ဘာကို ဘုရားသခင် ဘာကြောင့် ဖန်ဆင်းခဲ့တာလဲ ဗီဒီယိုကို jw.org မှာ ကြည့်ပါ။
ကျမ်းစာ သွန်သင်ရာ
ဒုက္ခအများစုဟာ လူတွေကြောင့် ဖြစ်တယ်။
ဒုက္ခအများစုဟာ ဖိနှိပ်တတ်တဲ့ အစိုးရတွေကြောင့် ဖြစ်တယ်။ သူတို့က ပြည်သူတွေကို အကျိုးပြုမယ့်အစား ပိုအခက်တွေ့အောင် လုပ်နေကြတယ်။
“လူလူချင်း အုပ်ချုပ်တာဟာ ထိခိုက်နစ်နာစရာတွေပဲ ဖြစ်စေတယ်။”—ဒေသနာ ၈:၉။
ဆင်းရဲဒုက္ခ လျော့နည်းအောင် လုပ်နိုင်တယ်။
ကျမ်းစာ သွန်သင်ချက်တွေက ကျန်းမာရေး ပိုကောင်းစေပြီး တခြားသူတွေနဲ့ ဆက်ဆံရေး ပိုကောင်းစေတယ်။
“တည်ငြိမ်တဲ့စိတ်ဟာ ကိုယ်ခန္ဓာကို ကျန်းမာစေတယ်။ မနာလိုစိတ်ကတော့ အရိုးတွေကို ဆွေးမြေ့စေတယ်။”—ပညာအလိမ္မာ ၁၄:၃၀။
“အမျိုးမျိုးသော နာကြည်းခြင်း၊ စိတ်ဆိုးခြင်း၊ ဒေါသထွက်ခြင်း၊ အော်ဟစ်ငေါက်ငမ်းခြင်း၊ ဆဲဆိုခြင်းနဲ့ မကောင်းမှုရှိသမျှကို ဖယ်ရှားကြပါ။”—ဧဖက် ၄:၃၁။