သီချင်း ၁၁၃
ငါတို့သည်ယေဟောဝါသက်သေများဖြစ်!
၁။ သစ်သားကျောက်နှင့်လုပ်ဘုရား၊
ဘုရားမှန် သူမသိထား
အနန္တဘုရားအား၊
ကြိမ်ဖန်တင်ပြငြား
ခြားဘုရားမတွေ့မြင်နိုင်၊
နောင်ဖြစ်ကြောင်းရာ မသိပိုင်
သူတို့တွက် သက်သေများ ရှာသည်တိုင်၊
မတွေ့ဂုဏ်တော် တင်မပြနိုင်
(ထပ်ဆိုရန်)
၂။ ‘ငါ့သက်သေတို့ခြားဘုရား၊
မကြောက်လေနှင့်’ ဟုမိန့်ကြား
‘ငါကားရှင်ယေဟောဝါ၊
မြင့်မြတ်ဆုံးငါသာ’
ခြားဘုရားများမသိခင်၊
သူတို့ကိုငါပင်ကယ်တင်
ငါ့နာမရပ်ဝေးရပ်နီးဟောကြ၊
ငါ့သက်သေဖြစ်ကြောင်းကိုတင်ပြ
(ထပ်ဆိုရန်)
၃။ သက်သေခံနာမတော်အား၊
ရှုတ်ချပြစ်တင်မှုပယ်ရှား
နာမတော်မရိုသေ၊
သတိပေးပါလေ
ပြစ်လွှတ်ခြင်းတရားကမ်းလှမ်း၊
ဘုရားထံပြန်လှည့်မျှော်မှန်း
သက်သေခံများပျော်ရွှင်လျက်ငြိမ်းချမ်း၊
မျှော်လင့်ရာထာဝရသက်တမ်း
(ထပ်ဆိုရန်)
တို့ယေဟောဝါသက်သေများ၊
ရဲရင့်စွာနှင့်တို့ပြောကြား
ပရောဖက်မှန်ပြု တို့ဘုရားမှ၊
ပြောသည့်အတိုင်း ဖြစ်ပျက်ရ