သေလွန်သူတွေ အသက်ပြန်ရှင်လာနိုင်မလား

ကျမ်းစာအဆို

‘ရှင်ပြန်ထမြောက်လာကြမယ်။’—တမန်တော် ၂၄:၁၅၊ ကမ္ဘာသစ်ဘာသာပြန်ကျမ်း။

သမ္မာကျမ်းစာကနေ ရရှိနိုင်မယ့် အကျိုးကျေးဇူးများ

ချစ်မြတ်နိုးရတဲ့သူတွေ သေဆုံးသွားပေမဲ့ နှစ်သိမ့်မှု။—၂ ကောရိန္သု ၁:၃၊ ၄။

သေခြင်းတရားကို ကြောက်ရွံ့ခြင်းမှ လွတ်မြောက်မှု။—ဟီဘရူး ၂:၁၅။

သေဆုံးသွားတဲ့ ချစ်မြတ်နိုးရသူတွေနဲ့ ပြန်လည် ဆုံစည်းခွင့်ရမယ်ဆိုတဲ့ မျှော်လင့်ချက်။—ယောဟန် ၅:၂၈၊ ၂၉။

ကျမ်းစာအဆိုကို ယုံကြည်စိတ်ချနိုင်ပါသလား

စိတ်ချနိုင်တဲ့ အကြောင်းရင်း အနည်းဆုံး သုံးခု ရှိပါတယ်–

• ဘုရားသခင်က အသက်ကို ဖန်ဆင်းတဲ့ အရှင် ဖြစ်တယ်။ ဘုရားသခင်ဟာ “လူအားလုံးကို အသက်နဲ့ ထွက်သက်ဝင်သက်ကို ပေးတဲ့အရှင်” လို့ သမ္မာကျမ်းစာမှာ ဖော်ပြထားတယ်။ (တမန်တော် ၁၇: ၂၄၊ ၂၅။ ဆာလံ ၃၆:၉) သက်ရှိအားလုံးကို အသက်ပေးတဲ့အရှင်ဟာ သေလွန်သူတွေကို အသက်ပြန်ရှင်အောင် သေချာပေါက် လုပ်ပေးနိုင်ပါတယ်။

• ဘုရားသခင်ဟာ အတိတ်က လူတချို့ကို အသက်ပြန်ရှင်လာအောင် လုပ်ပေးခဲ့တယ်။ အသက်ပြန်ရှင်လာတဲ့ လူရှစ်ယောက်အကြောင်း သမ္မာကျမ်းစာထဲမှာ မှတ်တမ်းတင်ထားပါတယ်။ သူတို့ထဲမှာ လူကြီး၊ လူငယ်၊ ယောက်ျား၊ မိန်းမအားလုံး ပါဝင်တယ်။ တချို့ကျတော့ သေပြီး ခဏအကြာမှာ အသက်ပြန်ရှင်လာကြတယ်။ တစ်ယောက်ကတော့ သင်္ချိုင်းဂူထဲမှာ လေးရက်ကြာပြီးမှ ပြန်ရှင်လာတယ်။—ယောဟန် ၁၁:၃၉-၄၄။

• ဘုရားသခင်ဟာ အနာဂတ်မှာလည်း သေလွန်သူတွေကို အသက်ပြန်ရှင်လာအောင် လုပ်ပေးချင်တယ်။ ယေဟောဝါဘုရားက သေခြင်းကို မုန်းပြီး ရန်သူတစ်ယောက်လို ရှုမြင်ပါတယ်။ (၁ ကောရိန္သု ၁၅:၂၆) သေလွန်သူတွေကို ပြန်ရှင်လာစေခြင်းအားဖြင့် သေခြင်းဆိုတဲ့ ရန်သူကို ဖျက်ဆီးလိုက်ဖို့ ဆန္ဒရှိပါတယ်။ မိမိရဲ့မှတ်ဉာဏ်ထဲမှာရှိတဲ့ သေလွန်သူတွေကို အသက်ပြန်ရှင်စေပြီး မြေကြီးပေါ်မှာ ပြန်နေထိုင်စေလိုပါတယ်။—ယောဘ ၁၄:၁၄၊ ၁၅။