ရှင်ပြန်ထမြောက်ခြင်းနှင့်ပတ်သက်၍ ပလေတိုကိုပေါလုဆန့်ကျင်

တမန်တော်ပေါလုသည် ရှင်ပြန်ထမြောက်ခြင်းအကြောင်းကို ၁ ကောရိန္သု ၁၅:၃၅-၅၈ နှင့် ၂ ကောရိန္သု ၅:၁-၁၀ တို့၌ရေးသားခဲ့သည်။ ထိုသို့ပြုခြင်းအားဖြင့် ပလေတိုနှင့် အခြားသောဂရိအတွေးအခေါ်ပညာရှင်များ၏ စိုးလ်မသေနိုင်သောအယူအဆကို ပေါလုထောက်ခံနေခြင်းလော။ သို့မဟုတ် ယေရှုနှင့် အခြားကျမ်းစာစောင်များ၏သွန်သင်ချက်နှင့် သူကိုက်ညီသလော။

၁၉၇၄ ခုနှစ်ကရေးသားပြီး အမေရိကန်တောင်ပိုင်းနှင့်မြောက်ပိုင်းရှိ ဂရိအော်သဒေါ့ခ်စ်ချာ့ချ်၏ ဂိုဏ်းအုပ်ဘုန်းတော်ကြီး၏ ထောက်ခံမှတ်ချက်ပေးခြင်းခံရသော Immortality of the Soul or Resurrection of the Individual: St. Paul’s View with Special Reference to Plato စာအုပ်ငယ်က ရှင်းလင်းသောအဖြေကိုပေးထားသည်။ အထက်ဖော်ပြပါကျမ်းချက်များပါ ရှင်ပြန်ထမြောက်ခြင်း၏သဘောသကန်နှင့် ဂရိယဉ်ကျေးမှုသြဇာလွှမ်းမိုးသည့် အချိန်ပိုင်းအကြောင်းကို ဆွေးနွေးပြီးသောအခါ စာရေးသူသည် အောက်ပါအတိုင်းမှတ်ချက်ချသည်။

“စိုးလ်သည် ခန္ဓာကိုယ်မှခွဲထွက်၍ အဆုံးမရှိသောထာဝရအဖြစ်တွင် ဆက်လက်တည်ရှိသည်ဟု ပလေတိုကသွန်သင်သည်။ ပလေတိုအတွက် စိုးလ်သည် မွေးရာပါမသေနိုင်သောအရာဖြစ်သည် . . . စိန့်ပေါလ်သည် ဤအယူအဆမျိုးကိုမသွန်သင်ခဲ့ပါ။ သွန်သင်ရန်လည်းမပြောခဲ့ပါ . . .

တမန်တော်ပေါလုက စိုက်ခီး သို့မဟုတ် စပစ်ရစ်၏ မသေနိုင်သောအဖြစ်ကို သီးခြား ကွာခြားသည့်အစိတ်အပိုင်းအဖြစ် ရည်ညွှန်းနေခြင်းမဟုတ်ဘဲ ခရစ်တော်ရှင်ပြန်ထမြောက်ခြင်း၏အကျိုးသက်ရောက်မှုအားဖြင့် စိုးလ်စပစ်ရစ်ခန္ဓာအစုအစည်းတစ်ခုလုံး၏ ရှင်ပြန်ထမြောက်ခြင်းကို ဆိုလိုခြင်းဖြစ်သည်။ ပေါလုလက်ခံထားသည့် ရှင်ပြန်ထမြောက်သောခန္ဓာကိုယ်သည် သင်္ချိုင်းမှအလောင်းကောင်များအသက်ပြန်ဝင်လာမည်ဟုဆိုလိုခြင်းလုံးဝမဟုတ်ပါ။

“ရှင်ပြန်ထမြောက်သည့်ကိုယ်ခန္ဓာဆိုင်ရာ လူ့ခန္ဓာကိုယ်အစုအစည်းတစ်ခုလုံး၊ ထိုတစ်ဦးတည်းသောပုဂ္ဂိုလ်၊ ထိုတစ်ခုတည်းသောဥပဓိရုပ်၊ စိတ်နှင့်ခန္ဓာ နှစ်ခုလုံးပါဝင်သော ဓာတ်ပေါင်းစု၊ စိတ်နှင့်ခန္ဓာ နှစ်ခုလုံးပါဝင်သော လူတစ်ဦးချင်းသည် ဘုရားသခင့်တန်ခိုးတော်အားဖြင့်ပြောင်းလဲခြင်း၊ ပြန်လည်ဖန်တီးခြင်းနှင့် ပြန်လည်ဖွဲ့စည်းတည်ဆောက်ခြင်းဟု ဖော်ပြလျှင် သာ၍သင့်တော်ပေမည်။ ကျွန်ုပ်တို့၏အနာဂတ်ရှင်ပြန်ထမြောက်ခြင်းသည် ကျွန်ုပ်တို့၏ပင်ကိုယ်သဘာဝအရ ရယူပိုင်ဆိုင်ခြင်းမဟုတ်ဘဲ ဘုရားသခင့်ထူးမြတ်သည့်လက်ဆောင်အနေနှင့် ဖြစ်ပျက်လာသည်ဖြစ်သည်။

မှန်ပါသည်၊ ရှင်ပြန်ထမြောက်ခြင်းသည် မည်သည့်လူသားတစ်ဦးတစ်ယောက်မျှ၏ မွေးရာပါပိုင်ဆိုင်မှုမဟုတ်ချေ။ ယင်းသည် ခရစ်ယာန်အသင်းတော်ကိုဖွဲ့စည်းတည်ထောင်သော ကျွန်ုပ်တို့၏သခင်ယေရှုခရစ်အားဖြင့် ယေဟောဝါပေးမည့်ဆုနှင့် တန်ဖိုးကြီးလက်ဆောင်ဖြစ်သည်။—၁ ကောရိန္သု ၁၅:၂၀၊ ၅၇။ ဖိလိပ္ပိ ၃:၁၄။

[စာမျက်နှာ ၉ ပါ ရုပ်ပုံ]

ဂရိအတွေးအခေါ်ပညာရှင်ပလေတို

[Credit Line]

Vatican Museum Photograph