ထိရောက်ပျော်ရွှင်စွာ ကျမ်းစာလေ့လာနိုင်ပုံ
ယောရှု စိန်ခေါ်ချက်ကြီးတစ်ခု ရင်ဆိုင်နေရတယ်။ အခက်အခဲတွေကြား အစ္စရေးတွေကို ကတိထားရာပြည်ထဲ ဦးဆောင်ခေါ်သွားရမယ်။ ဒါပေမဲ့ ‘ရဲစွမ်းသတ္တိ ရှိပါ။ ပညတ်တရားကို လိုက်နာပါ။ အဲဒီမှာရေးထားသမျှကို ဂရုတစိုက် လိုက်နာနိုင်ဖို့ နေ့ညမပြတ် ဖတ်ရွတ်ပါ။ ဒါဆိုရင် ဘဝလမ်းခရီး အောင်မြင်ပြီး ဉာဏ်ပညာရှိရှိ လုပ်ဆောင်နိုင်မယ်’ လို့ ယေဟောဝါ အားပေးတယ်။—ယောရှု ၁:၇၊ ၈။
“အလွန် ခက်ခဲကျပ်တည်း” တဲ့ နောက်ဆုံးကာလမှာ ကျွန်တော်တို့လည်း အခက်အခဲတွေ ကြုံနေရတယ်။ (၂ တိ. ၃:၁) ယေဟောဝါပေးတဲ့ အကြံဉာဏ်ကို လိုက်နာခြင်းအားဖြင့် ယောရှုလိုပဲ အောင်မြင်နိုင်တယ်။ ကျမ်းစာ မှန်မှန်ဖတ်ပြီး ကျမ်းစာမူတွေကို ကျင့်သုံးရမယ်။
ကျွန်တော်တို့ အများစုက စာဖတ်ဝါသနာပါသူတွေ မဟုတ်ကြဘူး။ ဒါပေမဲ့ ကျမ်းစာလေ့လာဖို့တော့ အလွန်အရေးကြီးတယ်။ “အကြံပြုချက်တွေကို စမ်းကြည့်ပါ” ဆိုတဲ့ လေးထောင့်ကွက်မှာ ထိရောက်ပျော်ရွှင်စွာ ကျမ်းစာလေ့လာနိုင်မယ့် နည်းတွေကို ဖော်ပြထားတယ်။
“ပညတ်လမ်းစဉ်အတိုင်း လမ်းပြပေးလှည့်ပါ။ ပညတ်ချက်တွေကို နှစ်သက်မြတ်နိုးလို့ပါ” လို့ ဆာလံဆရာ ပြောတယ်။ (ဆာ. ၁၁၉:၃၅) ကျမ်းစာလေ့လာခြင်းကနေ ပျော်ရွှင်မှု ရနိုင်ပါတယ်။ ဘုရားရေးရာ ရတနာများစွာကို တူးဖော်နိုင်ပါတယ်။
ကျွန်တော်တို့ဟာ ယောရှုလို လူမျိုးတစ်မျိုးကို ဦးဆောင်နေရတာ မဟုတ်ပေမဲ့ အခက်အခဲကိုယ်စီ ရှိကြတယ်။ ကျွန်တော်တို့ အကျိုးအတွက် ရေးထားတဲ့ကျမ်းစာကို ယောရှုလိုပဲ ဖတ်ရှု၊ လိုက်နာမယ်ဆိုရင် အောင်မြင်ပြီး ပညာရှိရှိ လုပ်ဆောင်နိုင်ပါလိမ့်မယ်။