နိုင်ငံတော်သတင်းကိုစိတ်ဝင်စားရန် ပြုစုပျိုးထောင်ပေးခြင်း

^၁ နိုင်ငံတော်သတင်းကိုစိတ်ဝင်စားသူတစ်ဦးတစ်ယောက်နှင့် သင်စကားစမြည်မပြောဆိုရသည်မှာ တစ်ရက်နှစ်ရက်၊ သို့မဟုတ် တစ်ပတ်ပင်ရှိသွားပေမည်။ ကျမ်းစာစာပေများယူထားသည်ဖြစ်စေ၊ မယူသည်ဖြစ်စေ အစောဆုံးပင် စိတ်ဝင်စားမှုနှိုးဆွပေးရန် အရေးကြီးသည်။

^၂ ပထမအကြိမ်လည်ပတ်စဉ်က သင်ရေးမှတ်ထားသည့်မှတ်စုကို ပြန်စစ်ဆေးကြည့်ပါ။ ထိုနောက် ပြန်လည်ပတ်မှုပြုလုပ်သည့်အခါ သင်ဝေငှခဲ့သောစာပေတစ်စောင်ကိုပါ ထည့်လိုက်ပါ။ သို့မှ ပြန်လည်ပတ်မှုသို့ရောက်သည့်အခါ ယင်းကိုကိုးကားတင်ပြနိုင်မည်။

“ကြည့်ရှုလော့” ဘရိုရှာကို သင်ဝေငှခဲ့မည်ဆိုလျှင် သင်ပြောဆိုနိုင်သည်ကား၊

▪ “ပြန်တွေ့ရတာဝမ်းသာတယ်။ အရင်တစ်ခါက ဒီဘရိုရှာရဲ့မျက်နှာဖုံးကိုပြခဲ့တယ်။ ဘုရားသခင့်နိုင်ငံတော်အားဖြင့် အိုးအိမ်နဲ့အလုပ်လက်မဲ့ မဖြစ်ကြတော့ဘူးဆိုတာကို ထောက်ခံတဲ့ကျမ်းချက်ကိုလည်း ဖတ်ခဲ့ကြတယ်။ အဲ့ဒီအပြင်ဖျားခြင်း၊ နာခြင်း၊ သေခြင်းကိုလည်း မရှိစေတော့ဘူးလို့ ဘုရားကတိပေးထားသေးတယ်။ ယုံရခက်သလား။ [အိမ်ရှင်ဖြေဆိုပါစေ။] ကျွန်တော်ထားခဲ့တဲ့ဘရိုရှာထဲမှာ အပိုဒ် ၄ ပါဒီအချက်ကိုသတိပြုပါ။” အပိုဒ်ကိုဖတ်ပြီး စာမျက်နှာ၏အောက်ခြေတွင်ပါရှိသောကျမ်းချက်တစ်ချက်နှစ်ချက်ကို သုံးသပ်ပါ။ ဤတွင် ကျမ်းစာသင်အံမှုစချီနေပါပြီ။

^၃ နောင်တစ်ကြိမ်ပြန်လာဖို့စကားကမ်းလှမ်းထားသည့်အနေနှင့် သင်ပြောဆိုနိုင်သည်ကား၊

▪ “ကျွန်တော်တို့သုံးသပ်ခဲ့သမျှဟာ ကျမ်းစာထဲကဘဲ။ ဒါပေမယ့် သမ္မာကျမ်းစာပြောသမျှကို ယုံနိုင်ပါ့မလားလို့ လူအများစဉ်းစားမိကြတယ်။ နောက်တစ်ခါလာတဲ့အခါ ဒီအကြောင်းကိုဆွေးနွေးရအောင်လေ။” စိတ်ဝင်စားမှုကိုနောင်တစ်ကြိမ်တွင်နှိုးဆွပေးရန် ဘရိုရှာပါ အပိုဒ် ၅ “ပရဒိသုကိုရှင်းပြသည့်စာအုပ်” ခေါင်းစဉ်ငယ်မှစ၍ ဆွေးနွေးနိုင်ပါသည်။

^၄ စာပေများများမဝေငှနိုင်ခဲ့သောရပ်ကွက်များတွင်။ စိတ်ဝင်စားမှုအနည်းအကျဉ်းပြခဲ့သော်လည်း စာပေများလက်မခံခဲ့သူများထံ ပြန်လည်ပတ်သွားသည့်အခါ ထပ်တူပင်တင်ဆက်ပြောဆိုနိုင်ပါသည်။ အရင်စကားစမြည်ပြောဆိုခဲ့ချိန်က သင်ဝေငှဖို့ကြိုးစားခဲ့သောဘရိုရှာကို ကိုးကားနိုင်မည်။ သမ္မာကျမ်းစာနှင့် သင့်ကိုယ်ပိုင်ဘရိုရှာကိုအသုံးပြုပြီး အကြိမ်ကြိမ်ပြန်သွားပြီးမှ အိမ်ရှင်အနေနှင့်ဘရိုရှာကိုလက်ခံယူပေမည်။ နောက်ဆုံးထုတ်ကင်းမျှော်စင်များကို သင်ဝေငှခဲ့မည်ဆိုလျှင် စိတ်ဝင်စားမှုနှိုးဆွပေးရန် ပြန်လည်ပတ်သည့်အခါ “ကြည့်ရှုလော့” ဘရိုရှာပါ ဆက်စပ်သောအကြောင်းများကို ကိုးကားတင်ပြပါ။

^၅ Reasoning စာအုပ်စာမျက်နှာ ၁၅၄-၆ ပါအကြောင်းများကိုအခြေခံ၍ပြင်ဆင်ပြီး ဘုရားသခင့်အစိုးရဘရိုရှာကိုအသုံးပြု၍ ကျမ်းစာသင်အံမှုများစဖြစ်သည့် ပြန်လည်ပတ်မှုကောင်းများပြုလုပ်နိုင်ပါသည်။ သို့မဟုတ် “သမ္မာကျမ်းစာက မျှော်လင့်ချက်နှစ်ခုကိုပေးခဲ့တဲ့အကြောင်း သိသလား။ တစ်ခုက ကမ္ဘာပေါ်ထာဝစဉ်အသက်ရှင်ဖို့ဖြစ်တယ်။ အဲ့ဒါဘယ်လိုဖြစ်လာနိုင်မယ်ဆိုတာကို ဒီဘရိုရှာကရှင်းပြတယ်” ဟုပြောဆိုကာ ကျမ်းစာသင်အံမှုစနိုင်ပါမည်။ ထိုနောက် ဘရိုရှာ၏စာမျက်နှာ ၁၅ သို့ဖွင့်ပြီးကိုးကားထားသည့်ကျမ်းချက်သုံးချက်ကို ဖတ်ပြပါ။

^၆ မဂ္ဂဇင်းနှစ်စောင်၊ စာအုပ်ကြီးတစ်အုပ်၊ သို့မဟုတ် ဘရိုရှာတစ်စောင် ဝေငှခဲ့ပါက၊ ထိုသို့မဟုတ်လျှင် စိတ်ဝင်စားစရာကောင်းစွာ ကျမ်းစာအကြောင်းဆွေးနွေးခဲ့ရုံဆွေးနွေးခဲ့မည်ဆိုလျှင် ထိုစိတ်ဝင်စားမှုကိုနှိုးဆွပေးရန် သင့်မှာတာဝန်ရှိပါသည်။ ဩဂုတ်လအတွင်း ဤအသက်ကယ်ဆယ်ရေးလုပ်ငန်းတွင်ပါဝင်ရန် အချိန်အနည်းငယ်ပေးဖို့ အားလုံးကိုတိုက်တွန်းနှိုးဆော်ပါသည်။​—၁ တိ၊ ၄:၁၆။