ထိုးထွင်းဉာဏ်ဖြင့် ဟောပြောခြင်း

^၁ ထိုးထွင်းသိမြင်တတ်သောသဘောရှိရန် ကျွန်ုပ်တို့၏တရားကိုနာသည့်သူများအကြောင်း သိနားလည်ထားဖို့လိုသည်။ အဘယ်ကြောင့်နည်း။ အကြောင်းမှာ လူတို့၏နှလုံးကိုထိမိနိုင်ရန် နိုင်ငံတော်သတင်းကောင်းကို သူတို့နှစ်သက်မည့်ပုံစံဖြင့်ဟောပြောရန်လိုသည်။ ဇန်နဝါရီလအတွင်း အသင်းတော်တွင်ရှိကောင်းရှိဦးမည့် ကျမ်းစာလေ့လာရာစာအုပ်အမျိုးမျိုးကို ဝေငှကြမည်။ သို့မဟုတ်လျှင်လည်း အင်္ဂလိပ်၊ တရုတ် သို့မဟုတ် အိန္ဒိယဘာသာစကားများဖြင့် အောက်ပါစာအုပ်များရှိမည်ဆိုလျှင် အောက်ပါအကြံပြုချက်များကို အသုံးပြုနိုင်ပေမည်။

^၂ “စစ်မှန်သောငြိမ်းချမ်းရေးနှင့်လုံခြုံရေး—ယင်းကို သင်ရနိုင်မည်လော” စာအုပ်ကိုဝေငှလိုမည်ဆိုလျှင် စာမျက်နှာ ၄ ပါရုပ်ပုံကိုပြပြီး ဤသို့ပြောဆိုနိုင်သည်–

▪ “ကမ္ဘာမြေကြီးနဲ့ပတ်သက်ပြီး ဘုရားသခင်ရဲ့ရည်ရွယ်ချက်ကို ကျမ်းစာဘယ်လိုသင်ပေးတယ်ဆိုတာကို ပန်းချီဆရာက ဒီလိုပုံဖော်ထားတယ်။ ပရဒိသုကမ္ဘာပေါ် ခင်ဗျားနဲ့ ခင်ဗျားမိသားစုနေနိုင်ဖို့ ဘာလိုမယ်ထင်သလဲ။ [ဖြေဆိုပါစေ။] မကြာမီ စစ်မှန်သောငြိမ်းချမ်းရေးနဲ့ လုံခြုံမှု ကမ္ဘာတစ်ဝန်းမှာရှိပြီး ပရဒိသုပြန်လည်တည်ထောင်လာတော့မယ်လို့ ကျမ်းစာကဖော်ပြတယ်။ [ဆာလံ ၃၇:၁၀၊ ၁၁ ဖတ်။] ဘုရားသခင်ပြုလုပ်ပေးမယ့်အရာတွေကနေ ခင်ဗျားအကျိုးခံစားရဖို့ ဘာလုပ်ရမယ်ဆိုတာကို ဒီစာအုပ်ကဖော်ပြပေးနိုင်တယ်။ ဒီစာအုပ်ကို ယူထားစေချင်တယ်။” လက်ခံယူလိုသူဖြစ်ပါက စာအုပ်ကို ကျပ် ၄၀ ဖြင့်ဝေငှပါ။

^၃ “သင့်မိသားစုဘဝကိုရွှင်လန်းစေခြင်း” စာအုပ်ကို အသုံးပြုမည်ဆိုလျှင် ဤသို့ပြောဆိုနိုင်မည်–

▪ “အခုခေတ်မိသားစုတွေဟာ အရင်လူမျိုးဆက်တွေ မကြုံခဲ့ဖူးတဲ့ အခက်အခဲတွေကို ကြုံနေရတယ်လို့ပြောမယ်ဆိုရင် သဘောတူမလား။ [ဖြေဆိုပါစေ။] ဘာကြောင့် ဒီလိုဖြစ်ရတယ်လို့ထင်သလဲ။ [အဖြေကိုအသိအမှတ်ပြုပါ။ ၂ တိမောသေ ၃:၁-၃ ကိုဖွင့်ဖတ်။] ‘မိဘစကားကိုနားမထောင်သောသူ’ ‘ပကတိကြင်နာစုံမက်ခြင်းနှင့်ကင်းသောသူ’ ဆိုတဲ့စကားတွေက ကျွန်တော်တို့ခေတ်မှာရှိတဲ့လူ အတော်များများကို အတိအကျဖော်ပြနေတယ်။ ဒါပေမဲ့ ဒီပြဿနာတွေကို ကြိုတင်ဟောတဲ့ဘုရားသခင်က စည်းလုံးတဲ့မိသားစုဖြစ်ရအောင် ဘယ်လိုလုပ်ရမယ်ဆိုတာကို လမ်းညွှန်ထားတယ်။” စာမျက်နှာ ၂ ပါ “ထုတ်ဝေသူများ” အပိုဒ်ကိုဖတ်ပါ။ ထို့နောက် ကျပ် ၄၀ ဖြင့် ဝေငှပါ။

^၄ “စစ်မှန်သောငြိမ်းချမ်းရေးနှင့်လုံခြုံရေး—ယင်းကို သင်ရနိုင်မည်လော” စာအုပ်ကိုဝေငှသည့်အခါ သင်အသုံးပြုနိုင်သည့်အခြားနည်းတစ်နည်းမှာ ဤမေးခွန်းနှင့်စတင်မည်–

▪ “တကယ်တော့ ဘုရားသခင်ဟာလူသားတွေကို စိတ်မဝင်စားပါဘူး၊ လူ့ပြဿနာတွေကို ဖြေရှင်းပေးမှာမဟုတ်ဘူးလို့ ယနေ့ လူအများထင်ကြတယ်။ အဲ့ဒီလိုပဲ ခင်ဗျားယူဆသလား။ [ဖြေပါစေ။] လူသားနဲ့ ဒီကမ္ဘာမြေကြီးအတွက် ဘုရားသခင် ဘာရည်ရွယ်ချက်ရှိတယ်ဆိုတဲ့အကြောင်းကို ကျမ်းစာလေ့လာဖို့ ဒီအထောက်အကူပြုတဲ့စာအုပ်ထဲက ဖတ်ပြပါရစေ။ [အပိုဒ် ၁ နှင့် စာမျက်နှာ ၄၃ အပိုဒ် ၂ ၏ပထမဝါကျကိုဖတ်။] ကမ္ဘာပေါ်မှာရှိနေတဲ့ပြဿနာများကို ဘုရားသခင်သည်းခံနေရတဲ့အကြောင်းကောင်းတစ်ခု တကယ်ရှိတယ်။ အဲ့ဒါကိုသိချင်ရင် “စစ်မှန်သောငြိမ်းချမ်းရေးနှင့်လုံခြုံရေး—ယင်းကို သင်ရနိုင်မည်လော” ဆိုတဲ့ဒီစာအုပ်ကိုဖတ်ကြည့်ပါ။ ကျပ် ၄၀ ဖြင့်ဝေငှပါ။

^၅ “‘ငြိမ်းချမ်းရေးမင်းသား’ လက်အောက် ကမ္ဘာ့လုံခြုံမှု” စာအုပ်ကိုအသုံးပြုကာ အကျဉ်းချုပ်ပြောဆိုလိုလျှင် စာအုပ်ကို စာမျက်နှာ ၄ သို့ ဖွင့်ပြီး ဤသို့မေးနိုင်သည်–

▪ “ကမ္ဘာဂြိုဟ်ဘာဖြစ်သွားမလဲ။ ဒီအကြောင်းကို လူတွေသိချင်ကြတယ်။ တစ်နေ့နေ့ ပရဒိသုဖြစ်သွားမယ်လို့ထင်သလား။” အိမ်ရှင်၏အဖြေကိုအသိအမှတ်ပြုပြီး စာမျက်နှာ ၂ ရှိ နိဒါန်းကိုဖတ်ပါ။ ကျပ် ၄၀ ဖြင့်ဝေငှပါ။

^၆ ကောင်းစွာထိုးထွင်းသိမြင်တတ်လျှင် ကျွန်ုပ်တို့တွေ့ဆုံသူများ၏ လိုအပ်ရာများနှင့် စိတ်ဝင်စားမှုများကို ခွဲခြားသိမြင်နိုင်မည်။ သုတ္တံ ၁၆:၂၃ ကဤသို့အာမခံသည်– “ပညာရှိသောသူ၏နှလုံးသည် သူ၏နှုတ်ကို သွန်သင်၍ သူ၏နှုတ်ခမ်းတို့၌ ပညာအတတ်ကို ထပ်လောင်းတတ်၏။”